ಜೋ ಬಿಡೆನ್-ಕಮಲಾ ಹ್ಯಾರಿಸ್ ಯುಗ: ಸಹಕಾರ ಬಲವರ್ಧನೆಗೆ ಭಾರತ ಸಜ್ಜು
ಅಮೆರಿಕ ಪ್ರಜೆಗಳ ಮನಸ್ಥಿತಿಯನ್ನು ಗ್ರಹಿಸಿದ ಭಾರತವು ಶ್ವೇತಭವನದಲ್ಲಿನ ಸಂಭವನೀಯ ಬದಲಾವಣೆಗೆ ಹೊಂದಿಕೊಳ್ಳಲು ತಯಾರಿ ನಡೆಸುತ್ತಿದೆ. ಅಮೆರಿಕದ ಭಾರತೀಯ ರಾಯಭಾರಿ ತರನ್‌ಜಿತ್ ಸಿಂಗ್ ಸಂಧು ಅವರು ಡೆಮಾಕ್ರಟಿಕ್ ಪಕ್ಷದ ಕಾಂಗ್ರೆಸ್ಸಿಗರೊಂದಿಗೆ ಸಭೆ ನಡೆಸುತ್ತಿದ್ದಾರೆ. ಈ ಸಭೆಗಳಲ್ಲಿ ಕೆಲವು ಬಹಿರಂಗ ಸಭೆಗಳಾಗಿದ್ದರೆ, ಕೆಲವು ತೆರೆಮರೆಯಲ್ಲಿ ನಡೆಯುತ್ತಿವೆ.
ಅಮೆರಿಕದಲ್ಲಿ ಭಾರತದ ಮಿಷನ್ ಈ ಹಿಂದೆ ಒಬಾಮಾ ಆಡಳಿತದ ಭಾಗವಾಗಿದ್ದ ವಿವೇಕ್ ಎಚ್ ಮೂರ್ತಿ ಮತ್ತು ರಾಜ್ ಷಾ - ಈ ಇಬ್ಬರು ಭಾರತೀಯ ಮೂಲದ ಇಬ್ಬರು ನಿರ್ಣಾಯಕ ವ್ಯಕ್ತಿಗಳೊಂದಿಗೆ ತೊಡಗಿಸಿಕೊಂಡಿದೆ. ವಿವೇಕ ಎಚ್. ಮೂರ್ತಿ ಅವರು ಬಿಡೆನ್ ಅಭಿಯಾನದಲ್ಲಿ ನಿರ್ಣಾಯಕ ಪಾತ್ರ ವಹಿಸಿದ್ದಾರೆ ಮತ್ತು ಅವರ ಆಡಳಿತದಲ್ಲೂ ಪ್ರಮುಖ ಸ್ಥಾನ ಪಡೆಯುವ ನಿರೀಕ್ಷೆಯಿದೆ. ಮೂರ್ತಿ ಅವರು ೨೦೧೪ ರಲ್ಲಿ ಒಬಾಮಾ ಅವರ ಕಿರಿಯ ಶಸ್ತ್ರಚಿಕಿತ್ಸಕ ಜನರಲ್ ಆಗಿದ್ದರು.
ರಾಜೀವ್ ‘ರಾಜ್’ ಷಾ ಕೂಡ ಒಬಾಮಾ ಆಡಳಿತದಲ್ಲಿ ಪ್ರಮುಖ ಪಾತ್ರ ವಹಿಸಿದ್ದು, ಅಗತ್ಯ ಬಿದ್ದಾಗ ಹೊಸ ಆಡಳಿತದೊಂದಿಗೆ ಭಾರತ ಕೇಂದ್ರಿತ ಉಪಕ್ರಮಗಳನ್ನು ಮುಂದಕ್ಕೆ ತಳ್ಳಬಲ್ಲಂತಹ ಸಮರ್ಥರಾಗಿದ್ದಾರೆ. ಅವರು ಸಂಶೋಧನೆ, ಶಿಕ್ಷಣ ಮತ್ತು ಅರ್ಥಶಾಸ್ತ್ರದ ಅಂಡರ್ ಸೆಕ್ರೆಟರಿ ಆಗಿ ಮತ್ತು ಅಮೆರಿಕದ ಕೃಷಿ ಇಲಾಖೆಯಲ್ಲಿ ಮುಖ್ಯ ವಿಜ್ಞಾನಿಯಾಗಿ ಸೇವೆ ಸಲ್ಲಿಸಿದರು. ಅವರು ಯುನೈಟೆಡ್ ಸ್ಟೇಟ್ಸ್ ಏಜೆನ್ಸಿ ಫಾರ್ ಇಂಟರ್ನ್ಯಾಷನಲ್ ಡೆವಲಪ್ ಮೆಂಟ್ ನ (ಯುಎಸ್‌ಐಐಡಿ) ಯ ೧೬ ನೇ ಆಡಳಿತಗಾರರಾಗಿ ೨೦೧೫ ರವರೆಗೆ ಸೇವೆ ಸಲ್ಲಿಸಿದ್ದರು.
ರಾಯಭಾರಿ ಸಂಧು ಅವರು ಕಾಂಗ್ರೆಷನಲ್ ಬ್ಲ್ಯಾಕ್ ಕಾಕಸ್ ಜೊತೆ ತೊಡಗಿಸಿಕೊಂಡಿದ್ದಾರೆ. ಆಫ್ರಿಕನ್-ಅಮೇರಿಕನ್ ಕಾಂಗ್ರೆಸ್ಸಿನ ಈ ಗುಂಪಿನಲ್ಲಿ ಕಮಲಾ ಹ್ಯಾರಿಸ್ ಸೇರಿದ್ದಾರೆ. ಹ್ಯಾರಿಸ್ ಅವರು ಜಮೈಕಾದ ತಂದೆ ಮತ್ತು ಭಾರತೀಯ ತಾಯಿಗೆ ಜನಿಸಿದ ದ್ವಿವರ್ಣೀಯರಾಗಿದ್ದಾರೆ.
ಕಳೆದ ಆರು ತಿಂಗಳಲ್ಲಿ ಸಂಧು ಅವರ ಸಾರ್ವಜನಿಕವಾಗಿ ಘೋಷಿಸಲಾದ ಕೆಲವು ಸಭೆಗಳು ಡೆಮೋಕಾಟ್ ಗಳೊಂದಿಗೆ ಸಹ ಇದ್ದವು. ಅವರು ಜುಲೈ ತಿಂಗಳಲ್ಲಿ ವಿದೇಶಾಂಗ ವ್ಯವಹಾರಗಳ ಸದನದ ಅಧ್ಯಕ್ಷ ಎಲಿಯಟ್ ಎಂಗಲ್ ಅವರನ್ನು ಭೇಟಿಯಾಗಿದ್ದರು. ಸಭೆಯ ನಂತರ, ’ಎಂಗಲ್ ಅವರು ಭಾರತ-ಅಮೆರಿಕ ಸಂಬಂಧಗಳ ಪ್ರಬಲ ಪ್ರತಿಪಾದಕರಾಗಿದ್ದಾರೆ’ ಎಂದು ಸಂಧು ಟ್ವೀಟ್ ಮಾಡಿದ್ದರು.
’ನಾವು ಕಾರ್ಯತಂತ್ರದ ಸಹಭಾಗಿತ್ವ ಮತ್ತು ವೈಜ್ಞಾನಿಕ ಸಹಯೋಗಗಳನ್ನು ವಿಶೇಷವಾಗಿ ಔಷಧ ಮತ್ತು ಲಸಿಕೆಗಳು ಮತ್ತು ಮತ್ತಷ್ಟು ವೈವಿಧ್ಯೀಕರಣದ ಮಾರ್ಗಗ ಬಗ್ಗೆ ಚರ್ಚಿಸಿದ್ದೇವೆ’ ಎಂದು ಸಂಧು ತಿಳಿಸಿದ್ದರು.
ಏಷ್ಯಾದ ಉಪ ಸಮಿತಿಯ ಅಧ್ಯಕ್ಷರಾಗಿದ್ದ ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್ ಸದಸ್ಯ ಡೆಮಾಕ್ರಾಟಿಕ್ ಸದಸ್ಯ ಭಾರತೀಯ-ಅಮೆರಿಕನ್ ಅಮಿ ಬೇರಾ ಅವರನ್ನೂ ಸಂಧು ಭೇಟಿ ಮಾಡಿದ್ದರು.
ಅವರ ಸಭೆಯ ನಂತರ, ’ಕೋವಿಡ್‌ಗೆ ಸಂಬಂಧಿಸಿದ ಭಾರತದ ಪೂರ್ವಭಾವಿ ವಿಧಾನದ ಬಗ್ಗೆ ಮತ್ತು ಆರೋಗ್ಯ, ವಿಜ್ಞಾನ ಮತ್ತು ಪೂರೈಕೆ ಸರಪಳಿಗಳಲ್ಲಿ ಭಾರತ-ಅಮೆರಿಕ ಸಹಭಾಗಿತ್ವವನ್ನು ಹೆಚ್ಚಿಸಿಕೊಳ್ಳುವ ಬಗೆಗಿನ ತಮ್ಮ ದೃಷ್ಟಿಕೋನವನ್ನು ಹಂಚಿಕೊಳ್ಳಬೇಕು’ ಎಂದು ಅವರು ಟ್ವೀಟ್ ಮಾಡಿದರು.
ಅಮಿ ಬೇರಾ ಅವರನ್ನು ಮತ್ತೆ ಚುನಾವಣೆಯಲ್ಲಿ ಸ್ಪರ್ಧಿಸಲು ಪ್ರೋತ್ಸಾಹಿಸಲಾಗಿತ್ತು ಮತ್ತು ಅವರು ನಿಜವಾಗಿಯೂ ಗೆದ್ದು ಅಮೆರಿಕನ್ ಕಾಂಗ್ರೆಸ್ಸಿಗೆ ಮರಳಿದ್ದಾರೆ.
ಬೇರಾ ಅವರಲ್ಲದೆ, ಭಾರತೀಯ ಮೂಲದ ಡೆಮಾಕ್ರಟಿಕ್ ಅಭ್ಯರ್ಥಿ ಪ್ರಮಿಳಾ ಜಯಪಾಲ್ ಅವರೂ ಅಮೆರಿಕನ್ ಕಾಂಗೆಸ್ಸಗೆ ಪುನರಾಯ್ಕೆಯಾಗಿದದಾರೆ. ಕಳೆದ ವರ್ಷ ಕಾಶ್ಮೀರದಲ್ಲಿ ವಿಧಿಸಲಾದ ನಿರ್ಬಂಧಗಳನ್ನು ರದ್ದು ಪಡಿಸುವಂತೆ ನಿರ್ಣಯ ಮಂಡಿಸಿದ್ದ ಜಯಪಾಲ್ ನೇತೃತ್ವದ ಗುಂಪಿನ ಕಾಂಗ್ರೆಸ್ ಸದಸ್ಯರನ್ನು ತಮ್ಮ ಅಮೆರಿಕ ಪ್ರವಾಸದ ಕಾಲದಲ್ಲಿ ಭೇಟಿ ಮಾಡಲ ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್. ಜೈಶಂಕರ್ ನಿರಾಕರಿಸಿದ್ದರು. ಹೀಗಾಗಿ ಜಯಪಾಲ್ ಜೊತೆಗಿನ ಬಾಂಧವ್ಯವು ಭಾರತ ಸರ್ಕಾರಕ್ಕೆ ಅಷ್ಟೊಂದು ಹಿತಕರವಾದ್ದದ್ದಲ್ಲ.
ಜೈಶಂಕರ್ ಅವರು ಆ ಬಳಿಕ ’ನನಗೆ ಆ ನಿರ್ಣಯದ ಬಗ್ಗೆ ತಿಳಿದಿದೆ. ಇದು ಜಮ್ಮು ಮತ್ತು ಕಾಶ್ಮೀರ ಪರಿಸ್ಥಿತಿ ಅಥವಾ ಭಾರತ ಸರ್ಕಾರ ಏನು ಮಾಡುತ್ತಿದೆ ಎಂಬುದರ ಬಗ್ಗೆ ಸರಿಯಾದ ತಿಳುವಳಿಕೆಯ ಬಗೆಗಿನ ನ್ಯಾಯೋಚಿತ ಗುಣಲಕ್ಷಣ ಎಂದು ನಾನು ಭಾವಿಸುವುದಿಲ್ಲ. ಅವರನ್ನು ಭೇಟಿ ಮಾಡಲು ನನಗೆ ಯಾವುದೇ ಆಸಕ್ತಿ ಇಲ್ಲ’ ಎಂದು ಹೇಳಿದ್ದರು.
ಆ ಸಮಯದಲ್ಲಿ ಡೆಮಾಕ್ರಟಿಕ್ ಅಧ್ಯಕ್ಷೀಯ ಆಕಾಂಕ್ಷಿಗಳಾದ ಬರ್ನಿ ಸ್ಯಾಂಡರ್ಸ್ ಮತ್ತು ಎಲಿಜಬೆತ್ ವಾರೆನ್ ಜಯಪಾಲ್ ಅವರನ್ನು ಬೆಂಬಲಿಸಿದ್ದರು. ಸೆನೆಟರ್ ಕಮಲಾ ಹ್ಯಾರಿಸ್ ಕೂಡಾ ಅಷ್ಟೇ. ಕಾಶ್ಮೀರದ ಪರಿಸ್ಥಿತಿಯನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದ್ದೇವೆ ಎಂದು ಹ್ಯಾರಿಸ್ ಹೇಳಿದ್ದರು. ಇzರ ಬಳಿಕ, ಪೌರತ್ವ ತಿದ್ದುಪಡಿ ಕಾಯ್ದೆಗೂ ಡೆಮೋಕ್ರಾಟ್‌ಗಳಿಂದ ತೀಕ್ಷ್ಣವಾದ ಪ್ರತಿಕ್ರಿಯೆ ಬಂದಿತ್ತು ಸಂದೇಶವನ್ನು ರವಾನಿಸಿತು, ಸಂಭಾವ್ಯ ಡೆಮೋಕ್ರಾಟ್ ಅಧ್ಯಕ್ಷರೊಂದಿಗೆ ಬೆರೆಯುವುದು ಅಷ್ಟು ಸುಲಭವಲ್ಲ ಎಂಬ ಸಂದೇಶವನ್ನು ಭಾರತ ಸರ್ಕಾರಕ್ಕೆ ಡೆಮಾಕ್ರಾಟ್‌ಗಳ ಈ ನಿಲುವು ರವಾನಿಸಿತ್ತು.
ಇದಲ್ಲದೆ, ಕಳೆದ ವರ್ಷ ಹೂಸ್ಟನ್‌ನಲ್ಲಿ ನಡೆದ ಹೌಡಿ ಮೋದಿ ಕಾರ್ಯಕ್ರಮದಲ್ಲಿ ಪ್ರಧಾನಿ ಮೋದಿಯವರ ‘ಅಬ್ಕಿ ಬಾರ್, ಟ್ರಂಪ್ ಸರ್ಕಾರ್’ ಘೋಷಣೆಯು ಡೆಮಾಕ್ರಾಟ್ ಅಭ್ಯರ್ಥಿಯೊಬ್ಬರು ಶ್ವೇತಭವನ ಪ್ರವೇಶಿಸಿದರೆ ಭಾರತಕ್ಕೆ ಸಂಭವನೀಯ ತೊಂದರೆ ಸೃಷ್ಟಿಸುತ್ತದೆ ಎಂದು ಪ್ರತಿಪಕ್ಷಗಳು ಟೀಕಿಸಿದ್ದವು.
"ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೇರಿಕಾದೊಂದಿಗಿನ ನಮ್ಮ ಸಂಬಂಧವು ಉಭಯಪಕ್ಷೀಯ, ರಿಪಬ್ಲಿಕನ್ ಮತ್ತು ಡೆಮೋಕ್ರಾಟ್‌ಗಳಿಗೆ ಸಂಬಂಧಿಸಿದೆ. ಟ್ರಂಪ್‌ಗಾಗಿ ನೀವು ಸಕ್ರಿಯವಾಗಿ ಪ್ರಚಾರ ಮಾಡುವುದು ಭಾರತ ಮತ್ತು ಅಮೆರಿಕ ಎರಡರ ಸಾರ್ವಭೌಮತ್ವ ಮತ್ತು ಪ್ರಜಾಪ್ರಭುತ್ವಗಳ ಉಲ್ಲಂಘನೆಯಾಗಿದೆ’ ಎಂದು ಕಾಂಗ್ರೆಸ್ ಮುಖಂಡ ಆನಂದ್ ಶರ್ಮಾ ಆಗ ಟ್ವೀಟ್ ಮಾಡಿದ್ದರು.
ಆದಾಗ್ಯೂ, ಕೋವಿಡ್ -೧೯ ಸಾಂಕ್ರಾಮಿಕ, ಚೀನಾ ವಿರೋಧಿ ಭಾವನೆ ಮತ್ತು ಎಲ್‌ಎಸಿಯಲ್ಲಿನ ಹಾಲಿ ಉದ್ವಿಗ್ನತೆ ಪರಿಸ್ಥಿತಿಯನ್ನು ಬದಲಾಯಿಸಿತು. ಭಾರತದೊಂದಿಗಿನ ಕಾರ್ಯತಂತ್ರದ ಸಹಭಾಗಿತ್ವವು ಅಮೆರಿಕದ ಇತರ ಎಲ್ಲ ಸಮಸ್ಯೆಗಳನ್ನು ಹಿಂದಿಕ್ಕಿತು.
ಟ್ರಂಪ್ ಆಡಳಿತವು ಭಾರತಕ್ಕೆ ಮುಕ್ತ ಬೆಂಬಲವನ್ನು ತೋರಿಸಿದರೂ, ಆಡಳಿತ ಬದಲಾವಣೆಯ ಸಂದರ್ಭದಲ್ಲಿ ಇದು ಉಳಿಯುತ್ತದೆಯೇ ಎಂದು ಕೇಳಿದಾಗ, ಅಮೆರಿಕ ಆಡಳಿತದ ಹಿರಿಯ ಅಧಿಕಾರಿಯೊಬ್ಬರು ‘ಮುಂಬರುವ ಇಲ್ಲಿನ ಚುನಾವಣೆಯ ಬಳಿಕ ಹೊಸ ಆಡಳಿತ ಬಂದರೆ ಭಾರತಕ್ಕೆ ಸಂಬಂಧಿಸಿದ ನೀತಿ ಬದಲಾದೀತು ಎಂದು ನಾನು ನಂಬಲು ಯಾವುದೇ ಕಾರಣವೂ ಇಲ್ಲ. ಪಾಲುದಾರಿಕೆಯನ್ನು ಬೆಂಬಲಿಸುವ ಮತ್ತು ಗಾಢವಾಗಿಸುವ ಆಸಕ್ತಿಯ ಮೇಲೆ ಉಭಯ ಪಕ್ಷಗಳು ಹೆಚ್ಚಾಗಿ ಹೊಂದಾಣಿಕೆ ಮಾಡಿಕೊಂಡಿವೆ ಎಂದು ನಾನು ಭಾವಿಸುತ್ತೇನೆ’ ಎಂದು ಹೇಳಿದ್ದರು.
ಭಾರತದ ಬಗ್ಗೆ ಅಮೆರಿಕದ ಮಾರ್ಗವು ಉಭಯಪಕ್ಷೀಯವಾಗಿದೆ ಮತ್ತು ಅದು ಮುಂದುವರಿಯುತ್ತದೆ ನಂಬುವುದಾಗಿ ಭಾರತೀಯ ಸರ್ಕಾರದ ಮೂಲಗಳು ತಿಳಿಸಿವೆ. ಪ್ರಾದೇಶಿಕ ಮತ್ತು ಗಡಿ ಬೆದರಿಕೆಗಳಿಗೆ ಸಂಬಂಧಿಸಿದಂತೆ ತಾವು ಭಾರತದ ಜೊತೆ ನಿಲ್ಲುವುದಾಗಿ ಭಾರತದ ಸ್ವಾತಂತ್ರ್ಯೋತ್ಸವ ಕಾಲದಲ್ಲಿ ಜೋ ಬೈಡೆನ್ ಅವರು ವರ್ಚಯಲ್ ಭಾಷಣದಲ್ಲಿ ನೀಡಿದ್ದ ಹೇಳಿಕೆಯತ್ತ ಮೂಲಗಳು ಗಮನ ಸೆಳೆದವು.
No comments:
Post a Comment