ಜಮ್ಮು - ಕಾಶ್ಮೀರದಲ್ಲಿ ಪಾಕ್ ಮೊಬೈಲ್ ಜಾಲ:
ಇಮ್ರಾನ್ ಸರ್ಕಾರ ಕುಮ್ಮಕ್ಕು
ನವದೆಹಲಿಯ ಉನ್ನತ ಭದ್ರತಾ ಅಧಿಕಾರಿಯೊಬ್ಬರ ಪ್ರಕಾರ, ಅಸ್ತಿತ್ವದಲ್ಲಿರುವ ಟೆಲಿಕಾಂ ಟವರ್‌ಗಳನ್ನು ತಿರುಚಲು ಮತ್ತು ಹೊಸದನ್ನು ನಿರ್ಮಿಸುವ ಯೋಜನೆ ಸುಮಾರು ಒಂದು ವರ್ಷದಿಂದ ನಡೆಯುತ್ತಿದೆ. ಕಾಶ್ಮೀರಕ್ಕೆ ನುಸುಳಿರುವ ಭಯೋತ್ಪಾದಕರಿಗೆ ಸಹಾಯ ಮಾಡಲು ಅಸ್ತಿತ್ವದಲ್ಲಿರುವ ಫೋನ್ ನೆಟ್‌ವರ್ಕ್ ಅನ್ನು ಬಲಪಡಿಸುವ ಪ್ರಕ್ರಿಯೆ ಇದು ಆರಂಭದಲ್ಲಿ ಕಲ್ಪಿಸಲಾಗಿತ್ತು ಎಂದು ಸುದ್ದಿ ಮೂಲಗಳು ಹೇಳಿವೆ.
ಆದರೆ ಕಳೆದ ವರ್ಷದ ಆಗಸ್ಟ್ ೫ ರಂದು ಜಮ್ಮು -ಕಾಶ್ಮೀರರಾಜ್ಯದ ವಿಶೇಷ ಸ್ಥಾನಮಾನವನ್ನು ಕೊನೆಗೊಳಿಸುವ ಭಾರತ ಸರ್ಕಾರದ ನಿರ್ಧಾರದ ನಂತರ ಕಾಶ್ಮೀರದಲ್ಲಿ ಜಾರಿಗೊಳಿಸಲಾದ ಸಂವಹನ ದಿಗ್ಬಂಧನವನ್ನು ಹಾಳುಮಾಡುವ ಸಾಮರ್ಥ್ಯವನ್ನು ನೀಡುವ ಕಸgತ್ತಿಗೆ ಪಾಕಿಸ್ತಾನದ ವಿದೇಶಾಂಗ ಸಚಿವಾಲಯವು ಶ್ರಮಿಸಿತು ಎಂದು ಮೂಲಗಳು ತಿಳಿಸಿವೆ.
ಭಾರತೀಯ ಭದ್ರತಾ ಪಡೆಗಳಿಂದ ನಿರ್ಬಂಧಿಸಲಾಗದ ಪಾಕಿಸ್ತಾನದ ಟೆಲಿಕಾಂ ಸೇವೆಗಳನ್ನು ಕಾಶ್ಮೀರಿಗಳು ಬಳಸುವಂತಹ ಪರ್ಯಾಯ ಮೊಬೈಲ್ ಜಾಲ ನಿರ್ಮಿಸಬೇಕು ಎಂದು ಪಾಕಿಸ್ತಾನ ಬಯಸಿದೆ ಎಂದು ಮೂಲಗಳು ಹೇಳಿವೆ.
ನವದೆಹಲಿಯು ಕಳೆದ ವರ್ಷ ೩೭೦ನೇ ವಿಧಿಯನ್ನು ರದ್ದು ಪಡಿಸಿದಾಗ ಸಾರ್ವಜನಿಕರಿಗೆ ತೊಂದರೆ ಉಂಟು ಮಾಡುವವರು ಸಾಮಾಜಿಕ ಮಾಧ್ಯಮದಲ್ಲಿ ಹಾಗೂ ಹೊರಗೆ ವದಂತಿಗಳನ್ನು ಹರಡದಂತೆ ನೋಡಿಕೊಳ್ಳುವ ಸಲುವಾಗಿ ಸಂವಹನ ನಿರ್ಬಂಧಗಳನ್ನು ಜಾರಿಗೊಳಿಸಿತ್ತು.
ಆ ಸಂವಹನ ನಿರ್ಬಂಧಗಳನ್ನು ಬಳಿಕ ತೆಗೆದುಹಾಕಲಾಗಿದೆ. ಆದರೆ ಸ್ಥಳೀಯ ಭದ್ರತಾ ಅಧಿಕಾರಿಗಳು ವದಂತಿಯನ್ನು ತಡೆಯಲು ಸ್ಥಳೀಯವಾಗಿ ಕೆಲವು ಸಮಯದವರೆಗೆ ಫೋನ್ ಸಂಪರ್ಕಗಳ ಮೇಲೆ ಕಣ್ಣಿಟ್ಟಿದ್ದಾರೆ. ಪಾಕಿಸ್ತಾಕ್ಕೆ ಪರ್ಯಾಯ ಮೊಬೈಲ್ ಜಾಲ ರೂಪಿಸುವ ತನ್ನ ಯೋಜನೆಯನ್ನು ಕಾರ್‍ಯಗತಗೊಳಿಸಲು ಸಾಧ್ಯವಾದರೆ, ಇದು ಕಾಶ್ಮೀರಿಗಳಿಗೆ ಭಾರತೀಯ ಫೋನ್ ಕಂಪನಿಗಳಿಗೆ ಬದಲಾಗಿ ಪ್ರತ್ಯೇಕವಾದ ಸಂಪರ್ಕ ಜಾಲವನ್ನೇ ಒದಗಿಸಲಿದೆ.
ಪಾಕಿಸ್ತಾನ ಆಕ್ರಮಿತ ಕಾಶ್ಮೀರ ಮತ್ತು ಗಿಲ್ಗಿಟ್-ಬಾಲ್ಟಿಸ್ತಾನ್ ಪ್ರದೇಶದಲ್ಲಿ ಟೆಲಿಕಾಂ ಸೇವೆಗಳನ್ನು ಒದಗಿಸಲು ಕಡ್ಡಾಯವಾಗಿರುವ ಸರ್ಕಾರಿ ಸಂಸ್ಥೆಯಾದ ಪಾಕಿಸ್ತಾನದ ವಿಶೇಷ ಸಂವಹನ ಸಂಸ್ಥೆ (ಎಸ್‌ಸಿಒ), ನಿಯಂತ್ರಣ ರೇಖೆಯ ಉದ್ದಕ್ಕೂ ೩೮ ಸ್ಥಳಗಳಿಂದ ಸಿಗ್ನಲ್‌ಗಳನ್ನು ವಿಶ್ಲೇಷಿಸಿದೆ ಎಂದು ಉನ್ನತ ರಾಷ್ಟ್ರೀಯ ಭದ್ರತಾ ಯೋಜಕರು ತಿಳಿಸಿದ್ದಾರೆ.
ಈ ಸಿಗ್ನಲ್‌ಗಳನ್ನು ಬಳಸಿಕೊಂಡು ಭಾರತದೊಂದಿಗೆ ಅಂತರರಾಷ್ಟ್ರೀಯ ಗಡಿಯಲ್ಲಿ ಅಸ್ತಿತ್ವದಲ್ಲಿರುವ ೨೮ ಫೋನ್ ಟವರ್‌ಗಳ ಮೂಲಕ ಪಾಕಿಸ್ತಾನ ಸ್ಪಿಲ್‌ಓವರ್ ಪರಿಣಾಮವನ್ನು ಪಡೆಯಬಹುದು ಎಂದು ಪಾಕಿಸ್ತಾನದ ವಿಶೇಷ ಸಂವಹನ ಸಂಸ್ಥೆಯು ಸೇನೆಗೆ ತಿಳಿಸಿದೆ. ಅದರ ವಿಶ್ಲೇಷಣೆಯ ಪ್ರಕಾರ, ಈ ಉದ್ದೇಶವನ್ನು ಸಾಧಿಸಲು ಜಿಎಸ್‌ಎಮ್ ಆಂಟೆನಾವನ್ನು ೧೮ ಸ್ಥಳಗಳಲ್ಲಿ ಮರುಹೊಂದಿಸಬೇಕಾಗಬಹುದು, ಆದರೂ ಇದು ನಿಯಂತ್ರಣ ರೇಖೆಯ ಬದಿಯಲ್ಲಿ ವ್ಯಾಪ್ತಿಯನ್ನು ಕಡಿಮೆ ಮಾಡುತ್ತದೆ.
ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿ ಹೊಸ ಬೇಸ್ ಟ್ರಾನ್ಸ್‌ಸಿವರ್ ನಿಲ್ದಾಣವನ್ನು ಸ್ಥಾಪಿಸುವುದರ ಜೊತೆಗೆ ಭಾರತೀಯ ಭೂಪ್ರದೇಶದಲ್ಲಿ ವೈರ್‌ಲೆಸ್ ಲೋಕಲ್ ಲೂಪ್ ಫೋನ್‌ಗಳ ಬಳಕೆಯನ್ನು ನೀಲನಕ್ಷೆ ಒಳಗೊಂಡಿದೆ.
"ಈ ಯೋಜನೆಯನ್ನು ಅಂಗೀಕರಿಸಲಾಗಿದೆ ಮತ್ತು ಕಾರ್ಯಗತಗೊಳಿಸಲಾಗುತ್ತಿದೆ" ಎಂದು ಹಿರಿಯ ಅಧಿಕಾರಿ ಹೇಳಿದರು.
ಭಾರತೀಯ ತಾಣಗಳಿಗೆ ಹತ್ತಿರದಲ್ಲಿರುವ ಚಾಮ್ ಎದುರಿನ ಬಾರಾಮುಲ್ಲಾ, ಲೀಪಾ ಎದುರಿನ ಸೊಪೋರ್, ಅಪ್ಪರ್ ನೀಲಂ ವ್ಯಾಲಿ ಮತ್ತು ಕುಪ್ವಾರಾ ಎದುರಿನ ಅತ್ಮುಕಾಮ್ ಮತ್ತು ಶ್ರೀನಗರದ ಎದುರಿನ ಹಿಲನ್ ಮೀರಾ
ಎಸ್‌ಒಸಿಒ ಮೊಬೈಲ್ ಟವರ್‌ಗಳ ಸಿಗ್ನಲ್ ಬಲವನ್ನು ಹೆಚ್ಚಿಸಲು ಪಾಕಿಸ್ತಾನದ ಐಎಸ್ ಐ ಯೋಜನೆ ರೂಪಿಸಿದೆ. ಅದೇ ರೀತಿ ಪಾಕ್ ಸೈನ್ಯವು ನಿರ್ವಹಿಸುತ್ತಿರುವ ಎಸ್‌ಸಿಒ ನಡೆಸುವ ಸಮಾನಾಂತರ ಕಸರತ್ತಿನಲ್ಲಿ ಜಮ್ಮು ಮತ್ತು ಕಾಶ್ಮೀರದಲ್ಲಿ ವಿಸ್ತೃತ ಟಿವಿ ಪ್ರಸಾರವನ್ನು ಒದಗಿಸಲು ಮುಜಫರಾಬಾದ್, ಅಪ್ಪರ್ ನೀಲಂ ಮತ್ತು ಖುರಟ್ಟಾದ ಬಳಿಯ ಲಾವಾಟ್‌ನಲ್ಲಿರುವ ಟಿವಿ ಟವರ್‌ಗಳ ಪ್ರಸರಣ ಶಕ್ತಿಯನ್ನು ಹೆಚ್ಚಿಸುವತ್ತ ಪಾಕಿಸ್ತಾನದ ಐಎಸ್‌ಐ ಪ್ರಯತ್ನಿಸುತ್ತಿದೆ.
ಈ ಪ್ರಯತ್ನಗಳು ಎಸ್‌ಸಿಒ ಹಿಂದಿನ ಅಂತರ್ಜಾಲ ಆಧಾರಿತ ಬ್ಯಾಕ್‌ಹೌಲ್‌ನೊಂದಿಗೆ ಸಣ್ಣ ಸೆಲ್ಯುಲಾರ್ ವ್ಯವಸ್ಥೆಯನ್ನು ಸ್ಥಾಪಿಸುವ ಪ್ರಯತ್ನಗಳ ಮುಂದುವರಿಕೆಯಲ್ಲಿವೆ, ಅದು ಕಾಶ್ಮೀರ ಪಟ್ಟಣಗಳನ್ನು ಎಲ್‌ಒಸಿಯಿಂದ ಸ್ವಲ್ಪ ದೂರದಲ್ಲಿ ಆವರಿಸಬಲ್ಲದು ಎಂದು ಭಯೋತ್ಪಾದನಾ ನಿಗ್ರಹ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
No comments:
Post a Comment