ಕೊರೋನಾ ಲಸಿಕೆ ಡಿಸೆಂಬರ್‌ಗೆ ಸಿದ್ಧ, ಲಭ್ಯತೆ ಮಾತ್ರ ತಡ
೨೦೨೦ ರ ಡಿಸೆಂಬರ್ ವೇಳೆಗೆ ಲಸಿಕೆ ಸಿದ್ಧವಾಗುವ ಸಾಧ್ಯತೆಯಿದೆ ಎಂದು ಸೀರಮ್ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾ ಆದರ್ ಪೂನವಾಲ್ಲಾ ಸುದ್ದಿ ಸಂಸ್ಥೆ ಒಂದಕ್ಕೆ ತಿಳಿಸಿದರು. ಆದಾಗ್ಯೂ, ಇಂಗ್ಲೆಂಡಿನಲ್ಲಿ ನಡೆಯುತ್ತಿರುವ ಪ್ರಯೋಗಗಳು ಮತ್ತು ಭಾರತದ ಔಷಧ ನಿಯಂತ್ರಕರ (ಡಿಸಿಜಿಐ) ಅನುಮೋದನೆಗಳ ಮೇಲೆ ಬಹಳಷ್ಟು ಅವಲಂಬಿತವಾಗಿದೆ’ ಎಂದು ಅವರು ಹೇಳಿದರು.
ಇನ್ನೊಂದು ಮಹತ್ವದ ಬೆಳವಣಿಗೆಯಲ್ಲಿ ಇಂಗ್ಲೆಂಡಿನ ಲಸಿಕೆ ಕಾರ್ಯಪಡೆಯ ಮುಖ್ಯಸ್ಥರಾದ ಕಾಟೆ ಬಿಂಘಮ್ ಅವರು ಕೋವಿಡ್-೧೯ರ ಮೊದಲ ತಲೆಮಾರಿನ ಲಸಿಕೆಗಳು ಅಸಮರ್ಪಕವಾಗಿರುವ ಮತ್ತು ಎಲ್ಲರ ಮೇಲೂ ಪರಿಣಾಮಕಾರಿ ಆಗದೇ ಇರುವ ಸಾಧ್ಯತೆಗಳಿವೆ ಎಂದು ಹೇಳಿದ್ದಾರೆ.
ಈ ಮಧ್ಯೆ, ಫ್ರೆಂಚ್ ಔಷಧ ತಯಾರಕ ಸಂಸ್ಥೆ ಸನೋಫಿ ಎಸ್‌ಎ ಮತ್ತು ಬ್ರಿಟನ್‌ನ ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ತಮ್ಮ ಕೋವಿಡ್-೧೯ ಲಸಿಕೆಯ ೨೦೦ ಮಿಲಿಯನ್ ಪ್ರಮಾಣವನ್ನು ಗವಿ ನೇತೃತ್ವದ ಕಂಪೆನಿ ಮತ್ತು ವಿಶ್ವ ಆರೋಗ್ಯ ಸಂಸ್ಥೆಯ ಸಹ-ನೇತೃತ್ವದ ಲಸಿಕೆ ಹಂಚಿಕೆ ಯೋಜನೆಗೆ ಲಭ್ಯವಾಗುವಂತೆ ಮಾಡಲು ಯೋಜಿಸಿದೆ. ಕೋವಾಕ್ಸ್ ಎಂದು ಕರೆಯಲ್ಪಡುವ ಜಾಗತಿಕ ಯೋಜನೆಯನ್ನು ಸಮನ್ವಯಗೊಳಿಸುತ್ತಿರುವ ಲಸಿಕೆ ಮೈತ್ರಿ ಉದ್ದೇಶದ ಒಪ್ಪಂದಕ್ಕೆ ಸಹಿ ಹಾಕಿದ್ದೇವೆ ಎಂದು ಕಂಪೆನಿಗಳು ಬುಧವಾರ ತಿಳಿಸಿದವು.
ರಾಜಧಾನಿ ದೆಹಲಿಯಲ್ಲಿ ಮುಂದಿನ ಆದೇಶದವರೆಗೂ ಎಲ್ಲಾ ಶಾಲೆಗಳು ಮುಚ್ಚಿರುತ್ತವೆ ಎಂದು ಉಪ ಮುಖ್ಯಮಂತ್ರಿ ಮನೀಶ್ ಸಿಸೋಡಿಯಾ ಹೇಳಿದ್ದಾರೆ. "ದೆಹಲಿಯಲ್ಲಿ ಶಾಲೆಗಳನ್ನು ಮತ್ತೆ ತೆರೆಯುವುದು ಸುರಕ್ಷಿತವಲ್ಲ,
ಪೋಷಕರು ಸಹ ಅದಕ್ಕೆ ಪರವಾಗಿಲ್ಲ" ಎಂದು ಅವರು ಹೇಳಿದರು.
ದೇಶದ ಸೋಂಕು ಪ್ರಮಾಣ
ಏತನ್ಮಧ್ಯೆ, ೪೩,೮೯೩ ಹೊಸ ಕೋವಿಡ್ -೧೯ ಸೋಂಕುಗಳೊಂದಿಗೆ, ಭಾರತದ ಒಟ್ಟು ಸೋಂಕು ಪ್ರಕರಣಗಳು ೭೯,೯೦,೩೨೨ ಕ್ಕೆ ಏರಿವೆ. ೫೦೦ ಕ್ಕೂ ಹೆಚ್ಚು ಹೊಸ ಸಾವುಗಳು ವರದಿಯಾಗಿದ್ದು, ಒಟ್ಟು ಸಾವಿನ ಸಂಖ್ಯೆ ೧,೨೦,೦೧೦ ಕ್ಕೆ ತಲುಪಿದೆ. ಕಳೆದ ೨೪ ಗಂಟೆಗಳಲ್ಲಿ ಸಕ್ರಿಯ ಪ್ರಕರಣಗಳು ೧೫,೦೫೪ ರಷ್ಟು ಕಡಿಮೆಯಾಗಿದ್ದು,
ಒಟ್ಟು ಸಕ್ರಿಯ ಪ್ರಕರಣಗಳು ೬,೧೦,೮೦೩ ಇಳಿದಿವೆ.
ಕಳೆದ ೨೪ ಗಂಟೆಗಳಲ್ಲಿ ೫೮,೪೩೯ ಮಂದಿ ಗುಣಮುಖರಾಗಿ ಆಸ್ಪತ್ರೆಗಳಿಂದ ಬಿಡುಗಡೆಯಾಗಿದ್ದು, ಚೇತರಿಸಿದವರ ಸಂಖ್ಯೆ ೭೨,೫೯,೫೦೯ಕ್ಕೆ ಏರಿದೆ.
ಅಕ್ಟೋಬರ್ ೨೭ ರವರೆಗೆ ಕೋವಿಡ್ -೧೯ ಪತ್ತೆಗಾಗಿ ಒಟ್ಟು ೧೦,೫೪,೮೭,೬೮೦ ಮಾದರಿಗಳನ್ನು ಪರೀಕ್ಷಿಸಲಾಗಿದೆ. ಈ ಪೈಕಿ ೧೦,೬೬,೭೮೬ ಮಾದರಿಗಳನ್ನು ಕಳೆದ ೨೪ ಗಂಟೆಗಳಲ್ಲಿ ಪರೀಕ್ಷಿಸಲಾಗಿದೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್) ಬುಧವಾರ ತಿಳಿಸಿತು. ದೇಶದಲ್ಲಿ ಸೋಂಕು ತಗುಲುತ್ತಿರುವ ಪ್ರಮಾಣವು ಶೇಕಡಾ ೪.೧ಕ್ಕೆ ಇಳಿದಿದೆ.
ಮುಖ್ಯಾಂಶಗಳು:
* ಭಾರತದಲ್ಲಿ ೪೩.೯ ಸಾವಿರ ಹೊಸ ಪ್ರಕರಣಗಳು (ಮಂಗಳವಾರ ಇದು ೩೬.೫ ಸಾವಿರವಾಗಿತ್ತು.
ಸಕ್ರಿಯ ಪ್ರಕರಣಗಳಲ್ಲಿ ಇಳಿಕೆ ೧೫,೦೦೦.
* ೫.೪ ಕೆ ಹೊಸ ಪ್ರಕರಣಗಳು (ಭಾರತದಲ್ಲಿ ಅತಿ ಹೆಚ್ಚು), ಕೇರಳದಲ್ಲಿ ಒಟ್ಟು ಪ್ರಕರಣಗಳು ೪ ಲಕ್ಷ ದಾಟಿವೆ.
* ಪಶ್ಚಿಮ ಬಂಗಾಳವು ೫೦ ದಿನಗಳಲ್ಲಿ ಮೊದಲ ಬಾರಿಗೆ ಸಕ್ರಿಯ ಪ್ರಕರಣಗಳಲ್ಲಿ
(-೧೮) ಕುಸಿತವನ್ನು ವರದಿ ಮಾಡಿದೆ
* ದೆಹಲಿ ೪.೮ ಸಾವಿರದಷ್ಟು ಹೊಸ ದೈನಂದಿನ ಪ್ರಕರಣಗಳನ್ನು ವರದಿ ಮಾಡಿದೆ.
* ಅಮೆರಿಕದಲ್ಲಿ ಒಟ್ಟು ಪ್ರಕರಣಗಳು ೯೦ ಲಕ್ಷದ (೯ ಮಿಲಿಯನ್) ಗಡಿ ದಾಟಿದೆ.
* ಅಮೆರಿಕದಲ್ಲಿ ಪ್ರತಿ ಮಿಲಿಯನ್ ಜನಸಂಖ್ಯೆಗೆ ಸಾವುಗಳ ಪ್ರಮಾಣ ಈಗ ೭೦೦ ಆಗಿದೆ. ಭಾರತದಲ್ಲಿ ಇದು ೮೭. ವಿಶ್ವದ ಸರಾಸರಿ ಸಾವು ಪ್ರತಿ ಮಿಲಿಯನ್ ಜನಸಂಖ್ಯೆ ಈಗ ೧೫೦.
* ಪ್ರತಿ ಮಿಲಿಯನ್ ಜನಸಂಖ್ಯೆಗೆ ಸಾವನ್ನಪ್ಪುವಲ್ಲಿ ಭಾರತವು ವಿಶ್ವದ ೮೫ ನೇ ಸ್ಥಾನದಲ್ಲಿದೆ.
No comments:
Post a Comment