ಸಚಿವ ತೋಮರ್: ರೈತ ಸಂಘಗಳ ಜೊತೆ ಚರ್ಚೆಗೆ ಸಿದ್ಧ
"ವಿವಿಧ ಯೋಜನೆಗಳ ಮೂಲಕ, ನಾವು ಕೃಷಿ ಕ್ಷೇತ್ರದ ಎಲ್ಲಾ ಅಂತರವನ್ನು ತುಂಬುತ್ತೇವೆ, ಅದು ರೈತರಿಗೆ ಪ್ರಯೋಜನವನ್ನು ನೀಡುತ್ತದೆ ಮತ್ತು ಅವರಿಗೆ ಸರಿಯಾದ ಬೆಲೆ ಸಿಗುತ್ತದೆ ಎಂದು ಖಚಿತಪಡಿಸುತ್ತದೆ ... ಕೋವಿಡ್ -೧೯ ಸಾಂಕ್ರಾಮಿಕ ಸಮಯದಲ್ಲಿ ಸಹ, ಕೃಷಿಗೆ ಸಂಬಂಧಿಸಿದ ಕೆಲಸಗಳ ಮೇಲೆ ದುಷ್ಪರಿಣಾಮ ಬೀರದೇ ಇರುವುದನ್ನು ನಾವು ನೋಡಿದ್ದೇವೆ’ ಎಂದು ತೋಮರ್ ಅವರನ್ನು ಉಲ್ಲೇಖಿಸಿ ಸುದ್ದಿ ಸಂಸ್ಥೆಯೊಂದು ವರದಿ ಮಾಡಿದೆ.
’ಸಾಂಕ್ರಾಮಿಕ ಸಮಯದಲ್ಲಿ ೧ ಕೋಟಿಗೂ ಹೆಚ್ಚು ರೈತರನ್ನು ಕಿಸಾನ್ ಕ್ರೆಡಿಟ್ ವ್ಯಾಪ್ತಿಗೆ ತಂದಿರುವುದಕ್ಕಾಗಿ ನಾನು ಬ್ಯಾಂಕುಗಳಿಗೆ ಧನ್ಯವಾದ ಹೇಳಲು ಬಯಸುತ್ತೇನೆ. ಕಳೆದ ಎಂಟು ತಿಂಗಳಲ್ಲಿ ರೈತರಿಗಾಗಿ ೧ ಲಕ್ಷ ಕೋಟಿ ರೂ ಮೌಲ್ಯದ ಕೆಲವು ಸುಧಾರಣೆಗಳನ್ನು ನಾವು ಕೈಗೊಂಡಿದ್ದೇವೆ ಮತ್ತು ಅವರಿಗೆ ಭವಿಷ್ಯವನ್ನು ತರುತ್ತೇವೆ’ ಎಂದು ಅವರು ಹೇಳಿದರು.
‘ರೈತರ ಸಂಘಗಳು ನಮ್ಮ ವಿನಂತಿಯನ್ನು ಚರ್ಚಿಸುತ್ತವೆ ಎಂದು ನಾನು ಭಾವಿಸುತ್ತೇನೆ. ಅವರು ಸರ್ಕಾರದ ಪ್ರಸ್ತಾವನೆಯಿಂದ ಏನನ್ನು ಸೇರಿಸಲು ಮತ್ತು ಕಳೆಯಲು ಬಯಸುತ್ತಾರೆ ಎಂದು ಅವರು ನಮಗೆ ತಿಳಿಸಬೇಕು. ಅವರಿಗೆ ಅನುಕೂಲಕರವಾದ ಸಮಯ ಮತ್ತು ದಿನಾಂಕದಂದು ನಾವು ಚರ್ಚೆಗೆ ಸಿದ್ಧರಿದ್ದೇವೆ. ಪರಿಹಾರಕ್ಕಾಗಿ ನಾನು ಆಶಿಸುತ್ತಿದ್ದೇನೆ’ ಎಂದು ತೋಮರ್ ಹೇಳಿದರು.
ಕೇಂದ್ರ ಕೃಷಿ ಸಚಿವರು ಕೇಂದ್ರವು ರೈತ ಸಂಘಗಳಿಗೆ ಭಾನುವಾರ ಕಳುಹಿಸಿದ ಪ್ರಸ್ತಾವನೆಯನ್ನು ಉಲ್ಲೇಖಿಸಿದ್ದು, ಇದರಲ್ಲಿ ಆರನೇ ಸುತ್ತಿನ ಮಾತುಕತೆಗಳನ್ನು ಒಕ್ಕೂಟಗಳು ಆಯ್ಕೆ ಮಾಡಿದ ದಿನಾಂಕ ಮತ್ತು ಸಮಯದಲ್ಲಿ ನಡೆಸಲು ಪ್ರಸ್ತಾಪಿಸಿದೆ.
ಡಿಸೆಂಬರ್ ೧, ೩ ಮತ್ತು ೫ ರಂದು ಒಟ್ಟು ಐದು ಸುತ್ತಿನ ಮಾತುಕತೆ ನಡೆದಿದ್ದು, ಉಭಯರ ನಡುವಣ ಕಗ್ಗಂಟು ಬಿಡಿಸಲು ವಿಫಲವಾಗಿವೆ.
ಕಾನೂನುಗಳನ್ನು ರದ್ದುಗೊಳಿಸಲಾಗುವುದಿಲ್ಲ, ಬದಲಿಗೆ ತಿದ್ದುಪಡಿಗಳನ್ನು ಮಾಡಬಹುದು ಎಂದು ಕೇಂದ್ರವು ದೃಢವಾಗಿ ಹೇಳಿದ್ದರೂ, ರೈತ ಸಂಘಟನೆಗಳು ಕೃಷಿ ಕಾಯ್ದೆಗಳನ್ನು ಸಂಪೂರ್ಣ ರದ್ದು ಮಾಡಬೇಕು’ ಎಂಬ ತಮ್ಮ ಬೇಡಿಕೆ ಬಗ್ಗೆ ಅಚಲವಾಗಿವೆ.
ರೈತ ಸಂಘಗಳು ಬುಧವಾರ ಸಭೆ ಸೇರಿ ಸರ್ಕಾರದ ಪ್ರಸ್ತಾಪವನ್ನು ಚರ್ಚಿಸುವ ಸಾಧ್ಯತೆ ಇದೆ ಎಂದು ಸುದ್ದಿಮೂಲಗಳು ಹೇಳಿವೆ.
No comments:
Post a Comment