Do You Know about ICC World Cup Cricket Final ?

Here is Madhu Bhat Poorlupady ! He collected some information about ICC World Cup Cricket. He is 9th Standard student studying in Viveka Bala Mandira, Yelahanka Satellite Town, Bangalore. Children you too can record your poems, drawings, small stories or articles here. Will you try?

ಗೊತ್ತಾ ನಿಮಗೆ ಐಸಿಸಿ ಕ್ರಿಕೆಟ್

ವಿಶ್ವಕಪ್ ಫೈನಲ್ ವಿಶೇಷಗಳು ?

ಮಧು ಭಟ್ ಪೂರ್ಲುಪಾಡಿ

ಮೊದಲ ವಿಶ್ವಕಪ್ ವಿಶೇಷ...

ಈ ವಿಶ್ವಕಪ್ ನಡೆದದ್ದು ಇಂಗ್ಲೆಂಡಿನಲ್ಲಿ. 1975ರಲ್ಲಿ ನಡೆದ ಮೊದಲ ವಿಶ್ವಕಪ್ 6 ದಿನ ನಡೆಯಿತು.ಈ ವಿಶ್ವಕಪ್ ಗೆದ್ದತಂಡ "ಕ್ಲೈವ್ ಲಾಯ್ಡ" ನಾಯಕತ್ವದ ವೆಸ್ಟ್ ಇಂಡೀಸ್ ತಂಡ. ಒಟ್ಟು 8 ತಂಡಗಳು ಭಾಗವಹಿಸಿದ್ದವು.ಇದರಲ್ಲಿ 2 ಟೆಸ್ಟ್ ಮಾನ್ಯತೆ ಹೊಂದಿರದ ರಾಷ್ಟ್ರಗಳಾಗಿದ್ದವು.ಫೈನಲ್ನಲ್ಲಿ ಎದುರಾದ ತಂಡಗಳು ವೆಸ್ಟ್ಇಂಡೀಸ್ ಮತ್ತು ಇಂಗ್ಲೆಂಡ್.ವೆಸ್ಟ್ ಇಂಡೀಸ್ ತಂಡವು ಮೊದಲು ಬ್ಯಾಟಿಂಗ್ ನಡೆಸಿ 60 ಓವರ್ಗಳಲ್ಲಿ 7ವಿಕೆಟ್ ಕಳೆದುಕೊಂಡು 291 ರನ್ ಗಳಿಸಿತು. ನಂತರ ಬ್ಯಾಟಿಂಗ್ ನಡೆಸಿದ ಇಂಗ್ಲೆಂಡ್ 58.4 ಓವರುಗಳಲ್ಲಿ 274 ರನ್ ಗಳಿಸಿ 17ರನ್ಗಳಿಂದ ಸೋತಿತು. ಈ ಪಂದ್ಯದ ಪಂದ್ಯ ಪುರುಷೋತ್ತಮ ಶತಕ ಹೊಡೆದ "ಕ್ಲೈವ್ಲಾಯ್ಡ". ಮೊದಲ ಬಾರಿಗೆ ವಿಶ್ವಕಪ್ ಗೆದ್ದ ತಂಡ ವೆಸ್ ್ಟ ಇಂಡೀಸ್.

ಎರಡನೇ ವಿಶ್ವಕಪ್ ವಿಶೇಷ

ಈ ವಿಶ್ವಕಪ್ ನಡೆದದ್ದು ಇಂಗ್ಲೆಂಡಿನಲ್ಲಿ. ಈ ವಿಶ್ವಕಪ್ನಲ್ಲಿ ಆಟಗಾರರ ಗುತ್ತಿಗೆ ವಿವಾದ ಕಾಡಿತು. ಈ ವಿಶ್ವಕಪ್ನ ಫೈನಲ್ನಲ್ಲಿ ಆಡಿದ ತಂಡಗಳು ವೆಸ್ಟ್ಇಂಡೀಸ್ ಮತ್ತು ಇಂಗ್ಲೆಂಡ್.ಮೊದಲು ಬ್ಯಾಟಿಂಗ್ ನಡೆಸಿದ ವೆಸ್ಟ್ ಇಂಡೀಸ್ ತಂಡ ವಿವಿಯನ್ ರಿಚಡ್ಸರ್್ ನೆರವಿನಿಂದ 157 ಎಸೆತಗಳಲ್ಲಿ ಅಜೇಯವಾದ 138 (11 ಬೌಂಡರಿ, 3 ಸಿಕ್ಸರ್). ಇದರಿಂದಾಗಿ ಕ್ಲೈವ್ ಲಾಯ್ಡ್ ಬಳಗ 60 ಓವರ್ಗಳಲ್ಲಿ 9 ವಿಕೆಟ್ ಕಳೆದುಕೊಂಡು 286 ರನ್ ಪೇರಿಸಿತು. ಈ ಬೃಹತ್ ಮೊತ್ತವನ್ನು ಬೆನ್ನಟ್ಟಿದ ಇಂಗ್ಲೆಂಡ್ ತಂಡ 51 ಓವರ್ಗಳಲ್ಲಿ 191 ರನ್ಗಳಿಗೆ ಆಲೌಟ್ ಆಗಿ 92 ರನ್ಗಳಿಂದ ಸೋತಿತು. ಇಂಗ್ಲೆಂಡಿನ ಕುಸಿತಕ್ಕೆ ಕಾರಣರಾದವರು ಪ್ರಭಾವಿ ಬೌಲಿಂಗ್ ದಾಳಿ ನಡೆಸಿದ ಜೊಯಲ್ ಗಾರ್ನರ್ (11-0-38-5). ವಿಶ್ವಕಪ್ ಗೆದ್ದ ತಂಡ ವೆಸ್ಟ್ ಇಂಡೀಸ್.

ಮೂರನೇ ವಿಶ್ವಕಪ್ ವಿಶೇಷ

ಈ ವಿಶ್ವಕಪ್ ನಡೆದದ್ದು ಇಂಗ್ಲೆಂಡಿನಲ್ಲಿ. ಈ ವಿಶ್ವಕಪ್ನಲ್ಲಿ ಫೈನಲ್ಗೆ ಏರಿದ ತಂಡಗಳು ಈ ಟೂನರ್ಿಯ ಕರಿಕುದುರೆ ಆಗಿದ್ದ ಭಾರತ ಮತ್ತು 2 ಬಾರಿಯ ಚಾಂಪಿಯನ್ ವೆಸ್ಟ್ ಇಂಡೀಸ್ ತಂಡಗಳು. ಮೊದಲು ಬ್ಯಾಟಿಂಗ್ ನಡೆಸಿದ ಭಾರತ 54.4 ಓವರುಗಳಲ್ಲಿ 183 ರನ್ನುಗಳಿಗೆ ಅಲೌಟ್ ಆಯಿತು. ಈ ಮೊತ್ತವನ್ನು ಬೆಂಬತ್ತಿದ ವೆಸ್ಟ್ ಇಂಡೀಸ್ ತಂಡವು ಮೊದಲ ವಿಕೆಟಿಗೆ 50 ರನ್ ಪೇರಿಸಿದಾಗ ಭಾರತವು ಸುಲಭವಾಗಿ ಸೋಲುತ್ತದೆ ಎಂದು ಅಭಿಮಾನಿಗಳು ಭಾವಿಸಿದ್ದರು. ಆದರೆ ಭಾರತದ ಮದನ್ ಲಾಲ್ (31-3) ಹಾಗೂ ಮೊಹಿಂದರ್ ಅಮರನಾಥ್ (12-3) ಮತ್ತು ಬಲ್ವಿಂದರ್ ಸಂಧು (32-2) ಪ್ರಭಾವಿ ಬೌಲಿಂಗ್ ನೆರವಿನಿಂದ ವೆಸ್ಟ್ ಇಂಡೀಸ್ ತಂಡವನ್ನು 52 ಓವರ್ಗಳಲ್ಲಿ 140 ರನ್ಗಳಿಗೆ ಅಲೌಟ್ ಆಗಿ 43 ರನ್ನುಗಳಿಂದ ಗೆದ್ದಿತು. ಇದರಿಂದಾಗಿ ಭಾರತ ತಂಡವು ಪ್ರಥಮ ಬಾರಿಗೆ ವಿಶ್ವಕಪ್ಗೆ ಮುತ್ತಿಕ್ಕಿತು. ಪ್ರಭಾವಿ ಬೌಲಿಂಗ್ ನಡೆಸಿದ ಮೊಹಿಂದರ್ ಅಮರನಾಥ್ (12ಕ್ಕೆ 3) ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.

ನಾಲ್ಕನೇ ವಿಶ್ವಕಪ್ ವಿಶೇಷ

ಈ ವಿಶ್ವಕಪ್ ನಡೆದದ್ದು ಏಷ್ಯಾದ 3 ರಾಷ್ಟ್ರಗಳಾದ ಭಾರತ, ಶ್ರೀಲಂಕಾ ಮತ್ತು ಪಾಕಿಸ್ತಾನದಲ್ಲಿ. ಈ ವಿಶ್ವಕಪ್ನಲ್ಲಿ ಫೈನಲ್ಗೆ ಏರಿದ್ದು ಆಸ್ಟ್ರೇಲಿಯಾ ಮತ್ತು ಇಂಗ್ಲೆಂಡ್ ತಂಡಗಳು.ಮೊದಲು ಬ್ಯಾಟಿಂಗ್ ನಡೆಸಿದ ಆಸ್ಟ್ರೇಲಿಯಾ ತಂಡವು 50 ಓವರುಗಳಲ್ಲಿ 253 ರನ್ ಗಳಿಸಿತು. ಈ ಗುರಿಯನ್ನು ಬೆನ್ನಟ್ಟಿದ ಇಂಗ್ಲೆಂಡ್ ತಂಡವು 50 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 246 ರನ್ ಪೇರಿಸಿ 7 ರನ್ಗಳ ರೋಚಕ ವಿಜಯ ಸಾಧಿಸಿತು. ಅಲನ್ ಬಾರ್ಡರ್ ನೇತೃತ್ವದ ಆಸ್ಟ್ರೇಲಿಯಾ ತಂಡಕ್ಕೆ ಪ್ರಪ್ರಥಮ ಬಾರಿಗೆ ವಿಶ್ವಕಪ್ಗೆ ಮುತ್ತಿಕ್ಕುವ ಅವಕಾಶ ಲಭಿಸಿತು.

ಐದನೇ ವಿಶ್ವಕಪ್ ವಿಶೇಷ

ಈ ವಿಶ್ವಕಪ್ ನಡೆದದ್ದು ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡಿನಲ್ಲಿ. ಈ ವಿಶ್ವಕಪ್ನಲ್ಲಿ ಬಿಳಿ ಚೆಂಡುಗಳನ್ನು ಬಳಸಲಾಯಿತು. ಆಟಗಾರರು ಪ್ರಥಮ ಬಾರಿಗೆ ಬಣ್ಣದ ಉಡುಪು ಧರಿಸಿ ಆಡಿದರು.ಇಲ್ಲಿ ಫೈನಲ್ಗೆ ಏರಿದ ತಂಡಗಳು ಪಾಕಿಸ್ತಾನ ಮತ್ತು ಇಂಗ್ಲೆಂಡ್. ಈ ಪಂದ್ಯವನ್ನು 22 ರನ್ಗಳಿಂದ ಗೆದ್ದ ಇಮ್ರಾನ್ ಖಾನ್ ನಾಯಕತ್ವದ ಪಾಕಿಸ್ತಾನ ತಂಡವು ಪ್ರಥಮ ಬಾರಿಗೆ ವಿಶ್ವಕಪ್ ಪ್ರಶಸ್ತಿಯನ್ನು ಎತ್ತಿ ಹಿಡಿಯಿತು. ಪಂದ್ಯಶ್ರೇಷ್ಠ್ಟ ಪ್ರಶಸ್ತಿ ವಾಸಿಮ್ ಅಕ್ರಮ್ ಪಾಲಾಯಿತು.

ಆರನೇ ವಿಶ್ವಕಪ್ ವಿಶೇಷ

ಈ ವಿಶ್ವಕಪ್ ನಡೆದದ್ದು ಭಾರತ, ಶ್ರೀಲಂಕಾ ಮತ್ತು ಪಾಕಿಸ್ತಾನದಲ್ಲಿ. ಫೈನಲ್ಗೇರಿದ ತಂಡಗಳು ಶ್ರೀಲಂಕಾ ಮತ್ತು ಆಸ್ಟ್ರೇಲಿಯಾ. ಮೊದಲು ಬ್ಯಾಟಿಂಗ್ ನಡೆಸಿದ ಆಸ್ಟ್ರೇಲಿಯಾ 242 ರನ್ ಪೇರಿಸಿತು. ಈ ಗುರಿಯನ್ನು ಬೆನ್ನಟ್ಟಿದ ಅರವಿಂದ ಡಿ'ಸಿಲ್ವ ನಾಯಕತ್ವದ ಶ್ರೀಲಂಕಾ 46.2 ಓವರುಗಳಲ್ಲಿ 3 ವಿಕೆಟ್ ನಷ್ಟದಲ್ಲಿ ಗುರಿ ಮುಟ್ಟಿತು. ಅರವಿಂದ ಡಿ'ಸಿಲ್ವ ನಾಯಕನ ಆಟವನ್ನು ಆಡಿದರು. 107 ರನ್ ಮತ್ತು 3 ವಿಕೆಟ್ ಪಡೆದು ಪಂದ್ಯ ಶ್ರೇಷ್ಠರೆನಿಸಿದರು. ಅರವಿಂದ ಡಿ'ಸಿಲ್ವ ಅವರ ಆಲ್ ರೌಂಡ್ ಆಟದಿಂದಾಗಿ ಶ್ರೀಲಂಕಾ ತಂಡ ವಿಶ್ವಕಪ್ ಗೆದ್ದಿತು.

ಏಳನೇ ವಿಶ್ವಕಪ್ ವಿಶೇಷ

ಈ ವಿಶ್ವಕಪ್ ನಡೆದದ್ದು ಇಂಗ್ಲೆಂಡಿನಲ್ಲಿ. ಫೈನಲ್ಗೆ ಏರಿದ ತಂಡಗಳು ಆಸ್ಟ್ರೇಲಿಯಾ ಮತ್ತು ಪಾಕಿಸ್ತಾನ.ಫೈನಲ್ ನಡೆದದ್ದು ಕ್ರಿಕೆಟ್ನ ಮೆಕ್ಕಾ ಎನಿಸಿರುವ ಲಾಡ್ಸರ್್ ಕ್ರೀಡಾಂಗಣದಲ್ಲಿ. ಮೊದಲು ಬ್ಯಾಟ್ ನಡೆಸಿದ ಪಾಕಿಸ್ತಾನ 39 ಓವರುಗಳಲ್ಲಿ 132 ರನ್ಗಳಿಗೆ ಆಲೌಟ್ ಆಯಿತು. ಈ ಗುರಿಯನ್ನು ಬೆನ್ನಟ್ಟಿದ ಸ್ಟೀವ್ ವಾ ಪಡೆಯಾದ ಆಸ್ಟ್ರೇಲಿಯಾ 20.1 ಓವರ್ಗಳಲ್ಲಿ ಗುರಿ ಮುಟ್ಟಿ ಎರಡನೇ ಬಾರಿ ವಿಶ್ವಕಪ್ನ್ನು ತನ್ನ ಮಡಿಲಿಗೆ ಹಾಕಿಕೊಂಡಿತು. ಶೇನ್ವಾನರ್್ ಪಂದ್ಯ ಶ್ರೇಷ್ಠರಾಗಲು ಅರ್ಹರಾದರು..

ಎಂಟನೇ ವಿಶ್ವಕಪ್ ವಿಶೇಷ

ಈ ವಿಶ್ವಕಪ್ ನಡೆದದ್ದು ದಕ್ಷಿಣ ಆಫ್ರಿಕಾ, ಕೀನ್ಯಾ, ಜಿಂಬಾಂಬ್ವೆಯಲ್ಲಿ.ಫೈನಲಿಗೇರಿದ ತಂಡಗಳು ಒಂದು ವಿಶ್ವಕಪ್ ಗೆದ್ದ ಭಾರತ ಮತ್ತು ಎರಡು ವಿಶ್ವಕಪ್ ಗೆದ್ದ ಆಸ್ಟ್ರೇಲಿಯಾ ತಂಡಗಳು. ಮೊದಲು ಬ್ಯಾಟ್ ಮಾಡಿದ ಆಸ್ಟ್ರೇಲಿಯಾ 50 ಓವರುಗಳಲ್ಲಿ 2 ವಿಕೆಟ್ ನಷ್ಟಕ್ಕೆ 359 ರನ್ ಪೇರಿಸಿತು. ಈ ಗುರಿಯನ್ನು ಬೆನ್ನಟ್ಟಿದ ಭಾರತ ಬ್ಯಾಟ್ಸ್ಮನ್ಗಳ ವೈಫಲ್ಯದಿಂದ 39.2 ಓವರುಗಳಲ್ಲಿ 234 ರನ್ಗಳಿಗೆ ಆಲೌಟ್ ಆಗಿ 125 ರನ್ಗಳಿಂದ ಹೀನಾಯವಾಗಿ ಸೋತಿತು. ರಿಕಿಪಾಂಟಿಂಗ್ ಪಂದ್ಯ ಶ್ರೇಷ್ಠ ಎನಿಸಿದರು. ಎರಡು ವಿಶ್ವಕಪ್ ಆಸ್ಟ್ರೇಲಿಯವು ಮೂರನೇ ಬಾರಿಗೆ ಹಾಗೂನಿರಂತರವಾಗಿ 2ನೇ ಬಾರಿಗೆ ವಿಶ್ವಕಪ್ಗೆ ಮುತ್ತಿಕ್ಕಿತು.

ಒಂಬತ್ತನೇ ವಿಶ್ವಕಪ್ ವಿಶೇಷ

ಈ ವಿಶ್ವಕಪ್ ನಡೆದದ್ದು ಕೆರಿಬಿಯನ್ ಎಂದೇ ಹೆಸರಾದ ವೆಸ್ಟ್ ಇಂಡೀಸ್ ದ್ವೀಪಗಳಲ್ಲಿ.ಇಲ್ಲಿ ಭಾರತವು ಪ್ರಥಮ ಸುತ್ತಿನಲ್ಲಿಯೇ ನಿರ್ಗಮಿಸಿತು.ಫೈನಲ್ಗೆ ಏರಿದ ತಂಡಗಳು ಒಂದು ವಿಶ್ವಕಪ್ ಗೆದ್ದ ಶ್ರೀಲಂಕಾ ಮತ್ತು 1987ರಲ್ಲಿ ಒಂದು ವಿಶ್ವಕಪ್ ಹಾಗೂ 1999 ಮತ್ತು 2003ರಲ್ಲಿ ನಿರಂತರವಾಗಿ ವಿಶ್ವಕಪ್ ಗೆದ್ದ ಆಸ್ಟ್ರೇಲಿಯಾ. ಮಳೆಯಿಂದ ಅಡಚಣೆ ಉಂಟಾದ ಈ ಪಂದ್ಯವನ್ನು 38 ಓವರ್ಗಳಿಗೆ ಸೀಮಿತಗೊಳಿಸಲಾಯಿತು. ಮೊದಲು ಬ್ಯಾಟ್ ಮಾಡಿದ ಆಸ್ಟ್ರೇಲಿಯಾ ನಿಗದಿತ ಓವರುಗಳಲ್ಲಿ 281 ರನ್ ಪೇರಿಸಿತು. ಈ ಗುರಿಯನ್ನು ಬೆನ್ನಟ್ಟಿದ ಶ್ರೀಲಂಕಾಗೆ ಡಕ್ವಥರ್್- ಲೂಯಿಸ್ ನಿಯಮದ ಪ್ರಕಾರ 36 ಓವರುಗಳಲ್ಲಿ 269 ರನ್ನುಗಳ ಗುರಿಯನ್ನು ನೀಡಲಾಯಿತು. ಆದರೆ ಶ್ರೀಲಂಕಾವು 36 ಓವರುಗಳಲ್ಲಿ 215 ರನ್ನುಗಳನ್ನು ಪೇರಿಸಲಷ್ಟೇ ಶಕ್ತವಾಯಿತು.ಇದರಿಂದಾಗಿ ಆಸ್ಟ್ರೇಲಿಯಾವು ನಾಲ್ಕನೇ ಬಾರಿ ಮತ್ತು ನಿರಂತರಾವಾಗಿ ಮೂರನೇ ಬಾರಿಗೆ ವಿಶ್ವಕಪ್ ಗೆದ್ದುಕೊಂಡು ಹೊಸವಿಶ್ವದಾಖಲೆ ನಿಮರ್ಿಸಿತು.ಗಿಲ್ ಕ್ರಿಸ್ಟ್ ಪಂದ್ಯ ಶ್ರೇಷ್ಠರಾದರು.