ಗ್ರಾಹಕರ ಸುಖ-ದುಃಖ

My Blog List

Tuesday, November 24, 2020

೪ ಜೈಶ್ ಭಯೋತ್ಪಾದಕರ ಸಂವಹನ ಸಾಧನ: ಪಾಕ್ ಶಾಮೀಲಿಗೆ ಸಾಕ್ಷಿ

  ಜೈಶ್ ಭಯೋತ್ಪಾದಕರ ಸಂವಹನ ಸಾಧನ: ಪಾಕ್  ಶಾಮೀಲಿಗೆ ಸಾಕ್ಷಿ

ನವದೆಹಲಿ: ನವೆಂಬರ್ ೧೯ ರಂದು ಜಮ್ಮುವಿನ ಬಾನ್ ಟೋಲ್ ಪ್ಲಾಜಾದಲ್ಲಿ ಹತರಾದ ನಾಲ್ವರು ಜೈಶ್- -ಮೊಹಮ್ಮದ್ (ಜೆಇಎಂ) ಭಯೋತ್ಪಾದಕರು ಬಳಸಿದ ಸಂವಹನ ಸಾಧನಗಳು ೨೦೨೦ರ ಜನವರಿ ೩೧ ರಂದು ಅದೇ ನಿಷೇಧಿತ ಗುಂಪಿನಿಂದ ನಡೆದಿರುವ ಇದೇ ರೀತಿಯ ಒಳನುಸುಳುವಿಕೆಯ ಹಿಂದೆ ಪಾಕಿಸ್ತಾನ ಶಾಮೀಲಾಗಿದ್ದುದನ್ನು ಸಾಬೀತು ಪಡಿಸುವ ಪ್ರಮುಖ ಕೀಲಿಯನ್ನು ಒದಗಿಸಿದೆ.

ವರ್ಷದ ಜನವರಿ ೩೧ ರಂದು, ಭಾರತೀಯ ಭದ್ರತಾ ಪಡೆಗಳು ಒಂದೇ ಟೋಲ್ ಪ್ಲಾಜಾ ಬಳಿ ಮೂರು ಜೈಶ್ ಭಯೋತ್ಪಾದಕರನ್ನು ಗುಂಡಿಕ್ಕಿ ಕೊಂದಿದ್ದವು ಮತ್ತು ಮುಂಜಾನೆ ನಡೆದ ಗುಂಡಿನ ಘರ್ಷಣೆಯ ಬಳಿಕ ಮೂವರು ಭೂಗತ ಭಯೋತ್ಪಾದಕರನ್ನು ಬಂಧಿಸಿದ್ದವು. ಬಂಧಿತರಲ್ಲಿ ಟ್ರಕ್ ಚಾಲಕ ಸಮೀರ್ ಅಹ್ಮದ್ ದಾರ್ ಕೂಡ ಸೇರಿದ್ದ.

೨೦೧೯ ಫೆಬ್ರವರಿ ೧೪ ರಂದು ಪುಲ್ವಾಮಾದಲ್ಲಿ ಸಿಆರ್ಪಿಎಫ್ ಬಸ್ಸಿಗೆ ತನ್ನ ಸ್ಫೋಟಕ ತುಂಬಿದ ಮಾರುತಿ ಇಕೊ ಕಾರನ್ನು ನುಗ್ಗಿಸಿ ೪೦ ಸಿಆರ್ಪಿಎಫ್ ವ್ಯಕ್ತಿಗಳನ್ನು ಕೊಂದ ಆತ್ಮಹತ್ಯಾ ಬಾಂಬರ್ ಆದಿಲ್ ದಾರ್ ಮೊದಲ ಸೋದರ ಸಂಬಂಧಿ ದಾರ್.

ನವೆಂಬರ್ ೧೯ ನಾಗ್ರೋಟಾ ಎನ್ಕೌಂಟರ್ ತನಿಖೆಯಿಂದ ಜೈಶ್ ಭಯೋತ್ಪಾದಕರ ಎರಡು ಗುಂಪುಗಳು ಬಳಸಿದ ಸಂವಹನ ಸಾಧನಗಳಲ್ಲಿ ಹೆಚ್ಚಿನ ಸಾಮ್ಯತೆಗಳನ್ನು ಪತ್ತೆ ಹಚ್ಚಲಾಗಿದೆ ಮತ್ತು ಸಾಂಬಾ ಗಡಿಯುದ್ದಕ್ಕೂ ಶಕರ್ಗಢದ ಭಯೋತ್ಪಾದಕ ಶಿಬಿರಗಳಿಂದ ಭಾರತಕ್ಕೆ ನುಸುಳಲು ಪಾಕಿಸ್ತಾನವು ಜೈಶ್ ಸಂಘಟನೆಯನ್ನು  ಬಳಸುತ್ತದೆ ಎಂಬುದು ದೃಢಟ್ಟಿದೆ ಎಂದು ಭದ್ರತಾ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ನವೆಂಬರ್ ೧೯ ರಂದು ಹತರಾದ ನಾಲ್ವರು ಭಯೋತ್ಪಾದಕರು ಪಾಕಿಸ್ತಾನದ ಕಡೆಯಿಂದ ಅಗೆದ ೨೦೦ ಮೀಟರ್ ಸುರಂಗದ ಮೂಲಕ ಭಾರತಕ್ಕೆ ಪ್ರವೇಶಿಸಿದ್ದರು.

ಭಾರತೀಯ ಗಡಿರೇಖೆಯಿಂದ ೧೨ ಕಿ.ಮೀ ದೂರದಲ್ಲಿರುವ ಜಟ್ವಾಲ್ನಲ್ಲಿರುವ ಪಿಕ್-ಅಪ್ ಪಾಯಿಂಟ್ ತಲುಪಲು ನಾಗ್ರೋಟಾ ದಾಳಿಕೋರರು ಬಳಸಿದ್ದ ಪಿಲ್ಲರ್ ೧೮೯ ನಲ್ಲಿ ಸುರಂಗ ನಿರ್ಮಾಣಕ್ಕೆ ಬಳಸಲಾದ ಎಂಜಿನಿಯರಿಂಗ್ ವಿವರ ಭಾರತೀಯ ತನಿಖಾಧಿಕಾರಿಗಳನ್ನು ಅಚ್ಚರಿಗೊಳಿಸಿದೆ.

ಪಾಕಿಸ್ತಾನದ ರೇಂಜರ್ಸ್ ಸಹಾಯದಿಂದ ಸ್ಪಷ್ಟವಾಗಿ ನಿರ್ಮಿಸಲಾಗಿರುವ ಸುರಂಗವು ೨೦೦ ಮೀಟರ್ ಉದ್ದವಿದ್ದು ಭಯೋತ್ಪಾದಕರಿಗೆ ಗಡಿ ದಾಟಲು ಸಾಕಷ್ಟು ಸ್ಥಳಾವಕಾಶವಿದೆ. ಪಾಕಿಸ್ತಾನದ ಪ್ರವೇಶ ದ್ವಾರದಲ್ಲಿ ಸುರಂಗವು ೪೦ ಮೀಟರ್ ಉದ್ದವಿದೆ.

ಶಕರ್ಗಢ ಜೈಶ್ ಶಿಬಿರವು ಜೈಶ್ ಜಿಹಾದಿಗಳು ಪೇಶಾವರ ಮತ್ತು ಬಹವಾಲ್ಪುರದವರೆಗೆ ತರಬೇತಿ ಪಡೆದ ಸ್ಥಳವಾಗಿದ್ದು, ಭಯೋತ್ಪಾದಕ ದಾಳಿಗೆ ಭಾರತಕ್ಕೆ ಪ್ರವೇಶಿಸಲು ಒಟ್ಟುಗೂಡುತ್ತಾರೆ. ಶಕರ್ಗಢ ದಿಣ್ಣೆಯು  ಭಾರತದ ಸೂಕ್ಷ್ಮ ಚಿಕನ್ ನೆಕ್ ಪ್ರದೇಶದಲ್ಲಿದೆ ಮತ್ತು ರಾಷ್ಟ್ರೀಯ ಭದ್ರತೆಗೆ ಪ್ರಮುಖವಾಗಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ಹೇಳಿದರು.

ನವೆಂಬರ್ ೧೯ ರಂದು ಕೊಲ್ಲಲ್ಪಟ್ಟ ಭಯೋತ್ಪಾದಕರು ಬಳಸಿದ ಸಂವಹನ ಸಾಧನಗಳನ್ನು ಹೋಲಿಸಿ ನೋಡಿದ ಭದ್ರತಾ ಅಧಿಕಾರಿಗಳು, ವರ್ಷದ ಜನವರಿಯಲ್ಲಿ ಭಯೋತ್ಪಾದಕರು ಬಳಸಿದ್ದ ಸಂವಹನ ಸಾಧನಗಳ ಜೊತೆ ಅನೇಕ ಹೋಲಿಕೆಗಳು ಇರುವುದನ್ನು ಕಂಡುಕೊಂಡಿದ್ದಾರೆ.

ಲ್ಯಾಂಡ್ ಮೊಬೈಲ್ ರೇಡಿಯೋ ಸೆಟ್ ಎಂಪಿಡಿ -೨೫೦೫ ಮೇಕ್-ಮೈಕ್ರೋ, ಮೇಡ್ ಇನ್ ಪಾಕಿಸ್ತಾನ್:

ಎರಡೂ ಸಂದರ್ಭಗಳಲ್ಲಿ ಒಂದೇ ಎಲ್ಎಂಆರ್ ಸೆಟ್ಗಳನ್ನು ಬಳಸಲಾಗಿದೆ ಮತ್ತು ಸತತ ಸರಣಿ ಸಂಖ್ಯೆಗಳನ್ನು ಹೊಂದಿವೆ. ಜನವರಿ ೩೧ ರಂದು ಎಲ್ಎಂಆರ್ ಸರಣಿ ಸಂಖ್ಯೆ ೯೦೮೩೩೧ ಪಿ ೧೦೦೦೫೯ ಆಗಿದ್ದರೆ, ನವೆಂಬರ್ ೧೯ ರಂದು ೯೦೮೩೩೧ ಪಿ ೧೦೦೦೫೮ ಆಗಿತ್ತು. ಎರಡೂ ಸೆಟ್ಗಳನ್ನು "ರೇಡಿಯೋ ಅಲಿಯಾಸ್: ಫ್ರೀಡಂ ಫೈಟರ್" ಎಂದು ಹೆಸರಿಸಲಾಗಿದೆ. ಜನವರಿ ೩೧ ರಂದು ಬಳಸಿದ ಕರೆ ಚಿಹ್ನೆಗಳು ಪಿ , ಪಿ , ಪಿ , ಪಿ , ಪಿ ೫೫, ಜಿ : ಮತ್ತು ನವೆಂಬರ್ ೧೯ ರಂದು ಚಿಹ್ನೆಗಳು ಪಿ , ಪಿ ೫೫, ಪಿ ೧೧ ಮತ್ತು ಪಿ ೬೬.

ಐಸಿಒಎಂ ವಿಎಚ್ಎಫ್ ಸೆಟ್

ಎರಡೂ ಸಂದರ್ಭಗಳಲ್ಲಿ, ಇದೇ ರೀತಿಯ ಐಸಿಒಎಂ ಸೆಟ್ಗಳನ್ನು ವಶ ಪಡಿಸಿಕೊಳ್ಳಲಾಗಿದೆ.

ಜಿಪಿಎಸ್ ಸಾಧನ ಗಾರ್ಮಿನ್ ಎಟ್ರೆಕ್ಸ್ ೨೦ ಎಕ್ಸ್

ಒಳನುಸುಳುವಿಕೆಯ ಮಾರ್ಗವನ್ನು ನಿಗದಿಪಡಿಸಲು ಎರಡೂ ಘಟನೆಗಳಲ್ಲಿ ಒಂದೇ ರೀತಿಯ ಕೈಯಲ್ಲಿ ಹಿಡಿಯುವ ಸಾಧನವನ್ನು ಬಳಸಲಾಗಿದೆ. ಎರಡೂ ಜಿಪಿಎಸ್ ಸಾಧನಗಳನ್ನು ಭಯೋತ್ಪಾದಕರು ತಮ್ಮ ಪಾಕ್ ಹ್ಯಾಂಡ್ಲರುಗಳಿಂದ ತರಬೇತಿ ಪಡೆದ ರೀತಿಯಲ್ಲಿಯೇ ಹಾನಿಪಡಿಸಿದ್ದಾರೆ ಎಂದು ತನಿಖಾಧಿಕಾರಿಗಳು ಗಮನಿಸಿದ್ದಾರೆ.

ಅದೇ ಆವರ್ತನಗಳನ್ನು ಎಲ್ಎಂಆರ್ ಸೆಟ್ಗಳಲ್ಲೂ ಬಳಸಲಾಗಿದೆ.

ಇದರರ್ಥ ಪಾಕಿಸ್ತಾನಿ ಹ್ಯಾಂಡ್ಲರ್ಗಳು ಬಳಸುವ ಸಂವಹನ ಸಾಧನಗಳು ಒಂದೇ ಆಗಿರುತ್ತವೆ.

ಸಾಮಾನ್ಯ ಡಿಜಿಟಲ್ ಆವರ್ತನಗಳು: ೧೪೩.೫೦೦ ಮೆಗಾಹರ್ಟ್, ೧೪೭.೨೭೦ ಮೆಗಾಹರ್ಟ್, ೧೪೯.೩೧೦ ಮೆಗಾಹರ್ಟ್, , ೧೫೦.೨೩೦ ಮೆಗಾಹರ್ಟ್, ೧೫೧.೨೩೦ ಮೆಗಾಹರ್ಟ್, ೧೫೫.೬೧೦ ಮೆಗಾಹರ್ಟ್, ೧೫೭.೨೨೦ ಮೆಗಾಹರ್ಟ್, ೧೬೦.೪೩೦ ಮೆಗಾಹರ್ಟ್, ೧೬೨.೩೪೦ ಮೆಗಾಹರ್ಟ್, ೧೬೫.೭೧೦ ಮೆಗಾಹರ್ಟ್, ಸಾಮಾನ್ಯ ಅನಲಾಗ್ ಆವರ್ತನಗಳು: ೧೪೫.೧೦೦ ಮೆಗಾಹರ್ಟ್, ೧೪೪.೭೦೦ ಮೆಗಾಹರ್ಟ್, ೧೪೩. ೭೦೨ ಮೆಗಾಹರ್ಟ್, ೧೪೩.೫೪೮ ಮೆಗಾಹರ್ಟ್ ಮತ್ತು ೧೪೩.೮೮೭ ಮೆಗಾಹರ್ಟ್.

No comments:

Advertisement