ಜಿಎಸ್ಟಿಆರ್-೩ ಬಿ ರಿಟರ್ನ್ಸ್ ಸಲ್ಲಿಕೆ: ವಿಳಂಬ ಶುಲ್ಕ ಇಲ್ಲ: ನಿರ್ಮಲಾ
‘ಕೋವಿಡ್ ಅವಧಿಗೆ ಮುಂಚಿನ ಜುಲೈ ೨೦೧೭ ರಿಂದ ಜನವರಿ ೨೦೨೦ರ ವರೆಗಿನ ಅವಧಿಗೆ, ಸಾಕಷ್ಟು ರಿಟರ್ನ್ ಫೈಲಿಂಗ್ ಬಾಕಿ ಉಳಿದಿದೆ. ತೆರಿಗೆ ಬಾಧ್ಯತೆಗಳಿಲ್ಲದ ಆದರೆ ಜುಲೈ ೨೦೧೭ ರಿಂದ ಜನವರಿ ೨೦೨೦ ರ ನಡುವೆ ರಿಟರ್ನ್ಸ್ ಸಲ್ಲಿಸದ ಎಲ್ಲರಿಗೂ ವಿಳಂಬ ಶುಲ್ಕವಿರುತ್ತದೆ’ ಎಂದು ನಿರ್ಮಲಾ ಸೀತಾರಾಮನ್ ಹೇಳಿದರು.
"ತೆರಿಗೆ ಹೊಣೆಗಾರಿಕೆಯನ್ನು ಹೊಂದಿರುವವರಿಗೆ, ಜುಲೈ ೨೦೧೭ ರಿಂದ ಜನವರಿ ೨೦೨೦ ರವರೆಗೆ ಜಿಎಸ್ಟಿಆರ್-೩ ಬಿ ರಿಟರ್ನ್ಸ್ ಸಲ್ಲಿಸದಿರುವವರಿಗೆ ಗರಿಷ್ಠ ವಿಳಂಬ ಶುಲ್ಕವನ್ನು ೫೦೦ ರೂಗಳಿಗೆ ಮಿತಿಗೊಳಿಸಲಾಗಿದೆ. ಇದು ಜುಲೈ ೧, ೨೦೨೦ರಿಂದ ಸೆಪ್ಟೆಂಬರ್ ೩೦, ೨೦೨೦ರ ನಡುವಣ ಸಮಯದಲ್ಲಿ ಸಲ್ಲಿಸಿದ ಎಲ್ಲಾ ರಿಟರ್ನ್‌ಗಳಿಗೂ ಅನ್ವಯಿಸುತ್ತದೆ’ ಎಂದು ಸೀತಾರಾಮನ್ ಹೇಳಿದರು.
೫ ಕೋಟಿ ರೂಪಾಯಿಗಳ ವಹಿವಾಟು ಹೊಂದಿರುವ ಸಣ್ಣ ತೆರಿಗೆದಾರರು ಜುಲೈ ೩೦ರ ನಂತರ ಸೆಪ್ಟೆಂಬರ್ ೩೦ರ ಒಳಗೆ ಸಲ್ಲಿಸಿದ ಫೆಬ್ರವರಿ-ಏಪ್ರಿಲ್ ೨೦೨೦ ನಡುವಣ ರಿಟರ್ನ್‌ಗಳಿಗೆ ಶೇಕಡಾ ೧೮ರ ಬದಲಿಗೆ ಶೇಕಡಾ ೯ ರಷ್ಟು ಕಡಿಮೆ ಬಡ್ಡಿದರವನ್ನು ಪಾವತಿಸಲಿದ್ದಾರೆ ಎಂದು ಸಚಿವರು ಪ್ರಕಟಿಸಿದರು.
ಮೇ ತಿಂಗಳಿನಿಂದ ಜುಲೈ ವರೆಗಿನ ರಿಟರ್ನ್ಸ್‌ನ್ನು ಅವರು ೨೦೨೦ ಸೆಪ್ಟೆಂಬರ್ವರೆಗೆ ಸಲ್ಲಿಸಬಹುದು. ಅವರಿಗೆ ವಿಳಂಬ ಶುಲ್ಕ ವಿಧಿಸಲಾಗುವುದಿಲ್ಲ ಎಂದು ನಿರ್ಮಲಾ ಹೇಳಿದರು.
No comments:
Post a Comment