ದೇಶದಲ್ಲಿ ಚೇತರಿಕೆಯ ಪ್ರಮಾಣ ೧೦,೯೪,೩೭೪ಕ್ಕೆ ಏರಿಕೆ

ದೇಶದಲ್ಲಿ ಚೇತರಿಕೆಯ ಪ್ರಮಾಣ ೧೦,೯೪,೩೭೪ಕ್ಕೆ ಏರಿಕೆ

ನವದೆಹಲಿ: ಭಾರತದಲ್ಲಿ ಒಂದೇ ದಿನ ೫೭,೧೧೮ ಪ್ರಕರಣಗಳ ದಾಖಲೆಯೊಂದಿಗೆ ಕೊರೋನಾವೈರಸ್ ಸೋಂಕು ಪ್ರಕರಣಗಳ ಸಂಖ್ಯೆ 2020 ಆಗಸ್ಟ್ 01ರ ಶನಿವಾರ ೧೬,೯೫,೯೮೮ಕ್ಕೆ ತಲುಪಿತು. ಇದೇ ವೇಳೆಗೆ ರೋಗದಿಂದ ಗುಣಮುಖರಾಗಿ ಚೇತರಿಸಿದರ ಸಂಖ್ಯೆ ೧೦,೯೪,೩೭೪ಕ್ಕೆ ಏರಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯದ ಅಂಕಿ ಅಂಶಗಳು ತಿಳಿಸಿದವು.

ಕೋವಿಡ್-೧೯ಕ್ಕೆ ಬಲಿಯಾದವರ ಸಂಖ್ಯೆ ೩೬,೫೧೧ ಕ್ಕೆ ಏರಿದ್ದು, ೨೪ ಗಂಟೆಗಳ ಅವಧಿಯಲ್ಲಿ ೭೬೪ ಜನರು ಈ ಕಾಯಿಲೆಗೆ ತುತ್ತಾಗಿದ್ದಾರೆ. ಪ್ರಸ್ತುತ, ದೇಶದಲ್ಲಿ ೫,೬೫,೧೦೩ ಸಕ್ರಿಯ ಪ್ರಕರಣಗಳಿವೆ.

ಕೋವಿಡ್ -೧೯ ರೋಗಿಗಳಲ್ಲಿ ಚೇತರಿಕೆಯ ಪ್ರಮಾಣವು ಶೇಕಡಾ ೬೪.೫೩ಕ್ಕೆ ಏರಿದ್ದರೆ, ಸಾವಿನ ಪ್ರಮಾಣವು ಶೇಕಡಾ ೨.೧೫ಕ್ಕೆ ಇಳಿದಿದೆ ಎಂದು ಅಂಕಿಸಂಖ್ಯೆಗಳು ತಿಳಿಸಿದವು.

ಕೋವಿಡ್ -೧೯ ಪ್ರಕರಣಗಳು ಸತತ ಮೂರನೇ ದಿನ ೫೦,೦೦೦ ಕ್ಕಿಂತ ಹೆಚ್ಚು ದಾಖಲಾಗಿವೆ.

ಐಸಿಎಂಆರ್ ಪ್ರಕಾರ, ಜುಲೈ ೩೧ ರವರೆಗೆ ಒಟ್ಟು ೧,೯೩,೫೮,೬೫೯ ಮಾದರಿಗಳನ್ನು ಪರೀಕ್ಷಿಸಲಾಗಿದ್ದು, ೫,೨೫,೬೮೯ ಮಾದರಿಗಳನ್ನು ಶುಕ್ರವಾರ ಪರೀಕ್ಷಿಸಲಾಗಿದೆ.

ವರದಿಯಾದ ಹೊಸ ೭೬೪ ಸಾವುಗಳಲ್ಲಿ ಮಹಾರಾಷ್ಟ್ರದಿಂದ ೨೬೫, ತಮಿಳುನಾಡಿನಿಂದ ೯೭, ಕರ್ನಾಟಕದಿಂದ ೮೪, ಆಂಧ್ರಪ್ರದೇಶದಿಂದ ೬೮, ಪಶ್ಚಿಮ ಬಂಗಾಳದಿಂದ ೪೫, ಉತ್ತರ ಪ್ರದೇಶದಿಂದ ೪೩, ದೆಹಲಿಯಿಂದ ೨೭, ಗುಜರಾತಿನಿಂದ ೨೩, ಪಂಜಾಬಿನಿಂದ ೧೬, ಬಿಹಾರ ಮತ್ತು ತೆಲಂಗಾಣದಿಂದ ತಲಾ ೧೪, ಜಮ್ಮು ಮತ್ತು ಕಾಶ್ಮೀರದಿಂದ ೧೨ ಮತ್ತು ರಾಜಸ್ಥಾನದಿಂದ ೧೧ ಪ್ರಕರಣಗಳ ದಾಖಲಾಗಿವೆ.

ಮಧ್ಯಪ್ರದೇಶದಿಂದ ಹತ್ತು, ಒಡಿಶಾದಿಂದ ಎಂಟು, ಅಸ್ಸಾಂ, ಹರಿಯಾಣ ಮತ್ತು ಉತ್ತರಾಖಂಡದಿಂದ ತಲಾ ನಾಲ್ಕು, ಗೋವಾ, ಜಾರ್ಖಂಡ್, ಕೇರಳದಿಂದ ತಲಾ ಮೂರು, ಛತ್ತೀಸ್‌ಗಢದಿಂದ ಎರಡು, ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳು, ಚಂಡೀಗಢ, ಮಣಿಪುರ ಮತ್ತು ಪುದುಚೇರಿಗಳಲ್ಲಿ ತಲಾ ಒಂದು ಸಾವು ಸಂಭವಿಸಿದೆ.