ಕೋವಿಡ್ -೧೯ಕ್ಕೆ ಸ್ಪೇನ್ ರಾಜಕುಮಾರಿ ಬಲಿ

ಕೋವಿಡ್ -೧೯ಕ್ಕೆ ಸ್ಪೇನ್ ರಾಜಕುಮಾರಿ ಬಲಿ

ಮ್ಯಾಡ್ರಿಡ್ (ಸ್ಪೇನ್): ಜಾಗತಿಕ ಪಿಡುಗು ಎಂಬುದಾಗಿ ಪರಿಗಣಿಸಲಾಗಿರುವ ಮಾರಕ ಕೊರೊನಾ ವೈರಸ್ ಸೋಂಕು ಸ್ಪೇನ್ ದೇಶದ ರಾಜಕುಮಾರಿಯನ್ನು ಬಲಿ ತೆಗೆದುಕೊಂಡಿದೆ.

೮೬ ವರ್ಷದ ರಾಜಕುಮಾರಿ ಮಾರಿಯಾ ತೆರೇಸಾ ಅವರಲ್ಲಿ ಕೋವಿಡ್-೧೯ ಪತ್ತೆಯಾಗಿದ್ದು, ಚಿಕಿತ್ಸೆ ಫಲಕಾರಿಯಾಗಿದೇ ಸಾವನ್ನಪ್ಪಿದ್ದಾರೆ ಎಂದು ಅಂತಾರಾಷ್ಟ್ರೀಯ ಮಾಧ್ಯಮಗಳು 2020 ಮಾರ್ಚ್ 29ರ ಭಾನುವಾರ ವರದಿ ಮಾಡಿವೆ.

ಮಾರಿಯಾ ತೆರೇಸಾ ಅವರು ಸ್ಪೇನ್ ರಾಜಕುಮಾರ ಫೆಲಿಪೆ -೬ ಅವರ ಸೋದರ ಸಂಬಂಧಿಯಾಗಿದ್ದಾರೆ.

ತೆರೇಸಾ ನಿಧನರಾದ ವಿಚಾರವನ್ನು ಅವರ ಸೋದರ ’ಪ್ರಿನ್ಸ್ ಸಿಕ್ಸ್ಟೊ ಎನ್ರಿಕ್ ಡಿ ಬೊರ್ಬನ್’ ತಮ್ಮ ಫೇಸ್ ಬುಕ್  ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

‘ನಮ್ಮ ಸಹೋದರಿ ಮಾರಿಯಾ ತೆರೇಸಾ ಡಿ ಬೊರ್ಬನ್ ಅವರು ಕೋವಿಡ್-೧೯ನಿಂದ ಮೃತರಾಗಿದ್ದಾರೆ’ ಎಂದು ಪ್ರಿನ್ಸ್ ಸಿಕ್ಸ್ಟೊ ತಿಳಿಸಿದ್ದಾರೆ.

ರಾಜಕುಮಾರಿಯ ಅಂತ್ಯಕ್ರಿಯೆಯನ್ನು ಶುಕ್ರವಾರ ಮ್ಯಾಡ್ರಿಡ್‌ನಲಿ ನಡೆಸಲಾಗಿದೆ.

೧೯೩೩ರಲ್ಲಿ ಜನಿಸಿದ್ದ ಮಾರಿಯಾ ತೆರೇಸಾ ಅವರು ಪ್ಯಾರಿಸ್ಸಿನಲ್ಲಿ ಅಧ್ಯಾಪಕ ವೃತ್ತಿಯಲ್ಲಿ ತೊಡಗಿಕೊಂಡಿದ್ದರು. ಹಲವು ಚಳುವಳಿಗಳಲ್ಲಿ ಸಕ್ರಿಯರಾಗಿದ್ದ ಅವರನ್ನು ’ರೆಡ್ ಪ್ರಿನ್ಸ್’ ಎಂದೇ ಜನರು ಕರೆಯುತ್ತಿದ್ದರು.