ಅಸ್ಟ್ರಾಜೆನೆಕಾ ಕೋವಿಡ್ -೧೯ ಲಸಿಕೆಯಲ್ಲಿ ‘ವಿಜೇತ ಸೂತ್ರ’

 ಅಸ್ಟ್ರಾಜೆನೆಕಾ ಕೋವಿಡ್ -೧೯ ಲಸಿಕೆಯಲ್ಲಿ ‘ವಿಜೇತ ಸೂತ್ರ’

ಲಂಡನ್: ಬ್ರಿಟಿಷ್ ಔಷಧಗಳ ಸಮೂಹ ಅಸ್ಟ್ರಾಜೆನೆಕಾ ಮತ್ತು ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯ ಅಭಿವೃದ್ಧಿಪಡಿಸಿದ ಕೋವಿಡ್ -೧೯ ಲಸಿಕೆ ಪರಿಣಾಮಕಾರಿತ್ವಕ್ಕಾಗಿ ‘ಗೆಲುವಿನ ಸೂತ್ರ’ ವನ್ನು ಸಾಧಿಸಿದೆ ಎಂದು ಕಂಪೆನಿಯ ಮುಖ್ಯ ಕಾರ್ಯನಿರ್ವಾಹಕ ಪ್ಯಾಸ್ಕಲ್ ಸೊರಿಯಟ್  2020 ಡಿಸೆಂಬರ್ 27ರ ಭಾನುವಾರ ತಿಳಿಸಿದರು.

ಪ್ರಸ್ತುತ ಬ್ರಿಟನ್ನಿನ ಸ್ವತಂತ್ರ ಔಷಧಗಳ ನಿಯಂತ್ರಕದಿಂದ ಮೌಲ್ಯಮಾಪನ ಮಾಡಲ್ಪಟ್ಟ ಈ ಲಸಿಕೆ, ಆಸ್ಪತ್ರೆಗೆ ಅಗತ್ಯವಿರುವ, ತೀವ್ರವಾದ ಕೋವಿಡ್ ಕಾಯಿಲೆಯ ವಿರುದ್ಧ ’ಶೇಕಡಾ ೧೦೦ರಷ್ಟು ರಕ್ಷಣೆ’ ನೀಡುತ್ತದೆ ಎಂದು ಸುದ್ದಿ ಸಂಸ್ಥೆಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಅವರು ಹೇಳಿದರು.

ಫಿಜರ್-ಬಯೋಎನ್‌ಟೆಕ್‌ಗೆ ಸಮಾನವಾದ ಶೇಕಡಾ ೯೫ರಷ್ಟು ಮತ್ತು ಮಾಡರ್ನಾದ ಶೇಕಡಾ ೯೪.೫ರಷ್ಟು ಲಸಿಕೆ ಪರಿಣಾಮಕಾರಿತ್ವವನ್ನು ತಮ್ಮ ಸಂಸ್ಥೆಯು ಸಾಧಿಸಿದೆ ಎಂಬುದನ್ನು ಪ್ರಯೋಗಗಳು ಸಾಬೀತು ಪಡಿಸಲಿವೆ ಎಂದು ಅವರು ವಿಶ್ವಾಸ ವ್ಯಕ್ತ ಪಡಿಸಿದರು.

"ನಾವು ವಿಜೇತ ಸೂತ್ರವನ್ನು ಕಂಡುಹಿಡಿದಿದ್ದೇವೆ ಮತ್ತು ಎರಡು ಪ್ರಮಾಣ ನೀಡಿಕೆಯ ಬಳಿಕ ಪರಿಣಾಮಕಾರಿತ್ವವನ್ನು ಹೇಗೆ ಪಡೆಯುವುದು ಎಂದು ಪತ್ತೆ ಹಚ್ಚಿದ್ದೇವೆ’ ಎಂದು ಅವರು ನುಡಿದರು. ಈ ಕುರಿತ ದತ್ತಾಂಶವನ್ನು ಕೆಲ ಹಂತಗಳಲ್ಲಿ ಪ್ರಕಟಿಸಲಾಗುವುದು ಎಂದು ಅವರು ಹೇಳಿದರು.

ಆಕ್ಸ್‌ಫರ್ಡ್-ಅಸ್ಟ್ರಾಜೆನೆಕಾ ಲಸಿಕೆಯ ಅಭಿವರ್ಧಕರು ತಮ್ಮ ದತ್ತಾಂಶಗಳನ್ನು ಔಷಧಗಳು ಮತ್ತು ಆರೋಗ್ಯ ಉತ್ಪನ್ನಗಳ ನಿಯಂತ್ರಣ ಸಂಸ್ಥೆಗೆ (ಎಂಹೆಚ್‌ಆರ್‌ಎ) ಸಲ್ಲಿಸಿದ್ದಾರೆ ಎಂದು ಇಂಗ್ಲೆಂಡ್ ಸರ್ಕಾರ ಡಿಸೆಂಬರ್ ೨೩ ರಂದು  ಪ್ರಕಟಿಸಿತ್ತು.

ಫಿಜರ್-ಬಯೋಟೆಕ್ ಲಸಿಕೆಯು ಇಂಗ್ಲೆಂಡಿನ ಸ್ವತಂತ್ರ ಔಷಧಗಳ ನಿಯಂತ್ರಕದಿಂದ ಬಳಕೆಗೆ ಅಧಿಕಾರ ಪಡೆದ ಮೊದಲ ಕೊರೋನವೈರಸ್ ಲಸಿಕೆಯಾಗಿದೆ ಮತ್ತು ಕಳೆದ ತಿಂಗಳಿನಿಂದ ದೇಶದ ಅತ್ಯಂತ ಪೀಡಿತರಾದ ೬೦೦,೦೦೦ ಮಂದಿಗೆ ಇದನ್ನು ನೀಡಲಾಗಿದೆ.

ಹಿಂದಿನ ಪ್ರಯೋಗಗಳು ಅಸ್ಟ್ರಾಜೆನೆಕಾ ಚುಚ್ಚುಮದ್ದಿನ ಪರಿಣಾಮಕಾರಿತ್ವದಲ್ಲಿ ವಿಭಿನ್ನ ಫಲಿತಾಂಶಗಳನ್ನು ತೋರಿಸಿವೆ. ಲಸಿಕೆ ಸರಾಸರಿ ಶೇಕಡಾ ೭೦ರಷ್ಟು ಪರಿಣಾಮಕಾರಿತ್ವವನ್ನು ತೋರಿಸಿದೆ ಆದರೆ ಡೋಸೇಜ್ ಅನ್ನು ಅವಲಂಬಿಸಿ ಆ ಮಟ್ಟವು ಶೇಕಡಾ ೯೦ಕ್ಕೆ ಏರಿತು.

ಇಂಗ್ಲೆಂಡ್ ಮತ್ತು ಬ್ರೆಜಿಲ್‌ನಲ್ಲಿ ದೊಡ್ಡ-ಪ್ರಮಾಣದ ಪ್ರಯೋಗಗಳಿಂದ ಈ ಸರಾಸರಿ ಅಂಕಿ ಅಂಶದ ಹಿಂದೆ ಎರಡು ಪೂರ್ಣ ಪ್ರಮಾಣದ ಲಸಿಕೆ ಹಾಕಿದವರಿಗೆ ಶೇಕಡಾ ೬೨ ಪರಿಣಾಮಕಾರಿತ್ವ ಕಂಡು ಬಂದಿತ್ತು.

ಮೊದಲು ಅರ್ಧ-ಡೋಸ್ ಮತ್ತು ನಂತರ ಒಂದು ತಿಂಗಳ ನಂತರ ಪೂರ್ಣ ಡೋಸ್ ಪಡೆದ ಸ್ವಯಂಸೇವಕರಿಗೆ, ಲಸಿಕೆ ೯೦ ಪ್ರತಿಶತದಷ್ಟು ಪರಿಣಾಮಕಾರಿತ್ವವನ್ನು ಹೊಂದಿದೆ ಎಂದು ಕಂಡುಬಂದಿದೆ.

ಆರಂಭಿಕ ಆವಿಷ್ಕಾರಗಳಿಂದ ನಾನು ‘ಆಶ್ಚರ್ಯಗೊಂಡಿದ್ದೇನೆ’ ಎಂದು ಸೊರಿಯೊಟ್ ಹೇಳಿದರು. "ನಾವು ಸರಳವಾದ ಫಲಿತಾಂಶಗಳಿಗೆ ಆದ್ಯತೆ ನೀಡುತ್ತೇವೆ" ಎಂದು ಅವರು ಹೇಳಿದರು.

ಫಲಿತಾಂಶಗಳಲ್ಲಿನ ವ್ಯತ್ಯಾಸದ ಬಗ್ಗೆ ಸ್ಪಷ್ಟತೆ ಮತ್ತು ಪಾರದರ್ಶಕತೆಯ ಕೊರತೆಯನ್ನು ವ್ಯಾಪಕವಾಗಿ ಟೀಕಿಸಲಾಯಿತು. ನಂತರದ ಹಿಂತಳ್ಳುವಿಕೆಯನ್ನು (ಪುಷ್‌ಬ್ಯಾಕ್) ನಾನು ನಿರೀಕ್ಷಿಸಿರಲಿಲ್ಲ ಎಂದು ಸೊರಿಯೊಟ್ ಹೇಳಿದರು.

"ಜನರು ಸ್ವಲ್ಪ ನಿರಾಶೆಗೊಳ್ಳುತ್ತಾರೆ ಎಂದು ನಾವು ಭಾವಿಸಿದ್ದೇವೆ, ಅದು ಖಚಿv. ಆದರೆ ನಾವು ಆ ಚಂಡಮಾರುತವನ್ನು ನಿರೀಕ್ಷಿಸಿರಲಿಲ್ಲ’ ಎಂದು ಅವರು ನುಡಿದರು.

ಅಸ್ಟ್ರಾಜೆನೆಕಾ ಚುಚ್ಚುಮದ್ದಿನಲ್ಲಿ ಹೆಚ್ಚಿನ ಭರವಸೆಗಳನ್ನು ಇರಿಸಲಾಗಿದೆ, ಮೂಲತಃ ಚಿಂಪಾಂಜಿ ವೈರಸ್‌ನ ದುರ್ಬಲಗೊಂಡ ಆವೃತ್ತಿಯನ್ನು ಆಧರಿಸಿದೆ, ಏಕೆಂದರೆ ಅದರ ವೆಚ್ಚ ಕಡಿಮೆ.

ಅಸ್ಟ್ರಾಜೆನೆಕಾದ ಲಸಿಕೆ ಫಿಜರ್-ಬಯೋಟೆಕ್ ಪರ್ಯಾಯದ ಮೇಲೆ ವ್ಯವಸ್ಥಾಪಕ ಪ್ರಯೋಜನವನ್ನು ಸಹ ಹೊಂದಿದೆ, ಏಕೆಂದರೆ ಇದನ್ನು ಕನಿಷ್ಠ ಆರು ತಿಂಗಳವರೆಗೆ ಎರಡು ಮತ್ತು ಎಂಟು ಡಿಗ್ರಿ ಸೆಲ್ಸಿಯಸ್ (೩೬-೪೬ ಫ್ಯಾರನ್‌ಹೀಟ್) ನಡುವಿನ ಸಾಮಾನ್ಯ ಶೈತ್ಯೀಕರಣದ ಪರಿಸ್ಥಿತಿಗಳಲ್ಲಿ ಸಂಗ್ರಹಿಸಬಹುದು, ಸಾಗಿಸಬಹುದು ಮತ್ತು ನಿರ್ವಹಿಸಬಹುದು.

ಇದು ಫಿಜರ್ / ಬಯೋಟೆಕ್ ಕೊಡುಗೆಗೆ ಅಗತ್ಯವಿರುವ -೭೦ ಸಿ ಯಿಂದ ದೂರವಿದೆ ಮತ್ತು ವೆಚ್ಚವನ್ನು ಕಡಿತಗೊಳಿಸಲು ಅಸ್ತಿತ್ವದಲ್ಲಿರುವ ಶೈತ್ಯೀಕರಿಸಿದ ಪೂರೈಕೆ ಸರಪಳಿಯನ್ನು ಬಳಸಲು ಅನುಮತಿಸಬಹುದು.

ತನ್ನ ಸ್ವದೇಶೀ  ಲಸಿಕೆ ಬಗ್ಗೆ ವಿಶ್ವಾಸ ಹೊಂದಿರುವ ಬ್ರಿಟನ್ನಿನ ಹೆಚ್ಚಿನ ಅವಶ್ಯಕತೆಗಳನ್ನು ಇದು ಪೂರೈಸುವ ನಿರೀಕ್ಷೆಯಿದೆ.

ಸರ್ಕಾರವು ೧೦೦ ಮಿಲಿಯನ್ ಡೋಸ್‌ಗಳಿಗೆ  ಆದೇಶಿಸಿದೆ, ೪೦ ಮಿಲಿಯನ್ ಡೋಸ್‌ಗಳು ಮಾರ್ಚ್ ಅಂತ್ಯದ ವೇಳೆಗೆ ಲಭ್ಯವಾಗಲಿದೆ.

ಸಾಂಕ್ರಾಮಿಕ ರೋಗದಿಂದಾಗಿ ೭೦,೦೦೦ ಕ್ಕೂ ಹೆಚ್ಚು ಸಾವುನೋವುಗಳು ಸಂಭವಿಸಿರುವ ಇಂಗ್ಲೆಂಡ್, ಅತಿಹೆಚ್ಚು ಸಾವುಗಳಿಂದ ತತ್ತರಿಸಿದ ದೇಶಗಳಲ್ಲಿ ಒಂದಾಗಿರುವುದರಿಂದ ಇಂಗ್ಲೆಂಡಿನ ಅಧಿಕಾರಿಗಳು ವಿಶ್ವಾಸಕ್ಕೆ ಆದ್ಯತೆ ನೀಡಬಯಸುತ್ತಾರೆ.

ಪ್ರಕರಣಗಳ ಉಲ್ಬಣವು ಕಳೆದ ವಾರದಲ್ಲಿ ರಾಷ್ಟ್ರವ್ಯಾಪಿಯಾಗಿ ಅಪ್ಪಳಿಸಿದೆ, ವಿಶೇಷವಾಗಿ ಇಂಗ್ಲೆಂಡ್‌ನ ಆಗ್ನೇಯ ಭಾಗದಲ್ಲಿ ಪ್ರಕರಣಗಳು ಹೆಚ್ಚಿವೆ. ಇದಕ್ಕೆ ರೂಪಾಂತರ ವೈರಸ್ ಕಾರಣ ಎನ್ನಲಾಗಿದೆ. ಈ ವೈರಸ್ಸನ್ನು ಇಂಗ್ಲೆಂಡಿನಲ್ಲಿ ಮೊದಲು ಗುರುತಿಸಲಾಗಿದೆ.