ದೇಶದಲ್ಲಿ
ಕೋವಿಡ್ -೧೯ ಪ್ರಕರಣಗಳ ಸಂಖ್ಯೆಯಲ್ಲಿ
ತೀವ್ರ ಏರಿಕೆ, ಕೆಲವು ರಾಜ್ಯಗಳಲ್ಲಿನ ಸ್ಥಳೀಯ ಆಡಳಿತಗಳು ಸ್ವಯಂಪ್ರೇರಿತ ಕರ್ಫ್ಯೂ, ಸ್ಥಳೀಯ ಲಾಕ್‌ಡೌನ್ ಇತ್ಯಾದಿಗಳನ್ನು ಹೆಚ್ಚು ಅವಲಂಬಿಸುತ್ತಿದ್ದರೂ, ಹೆಚ್ಚಿನ ರಿಯಾಯ್ತಿ ಮತ್ತು ಕಡಿಮೆ ನಿರ್ಬಂಧಗಳನ್ನು ವಿಧಿಸಲಾಗಿದೆ ಎಂದು ಗೃಹ ಸಚಿವಾಲಯ ಸ್ಪಷ್ಟಪಡಿಸಿತು.
ಮಾರ್ಗಸೂಚಿಗಳು
ಇಲ್ಲಿವೆ:
* ಸಿನೆಮಾಗಳು
/ ಚಿತ್ರಮಂದಿರಗಳು / ಮಲ್ಟಿಪ್ಲೆಕ್ಸ್‌ಗಳು ತಮ್ಮ ಆಸನ ಸಾಮರ್ಥ್ಯದ ಶೇಕಡಾ ೫೦ವರೆಗೆ ತೆರೆಯಲು ಅನುಮತಿ ನೀಡಲಾಗುವುದು. ಇದಕ್ಕಾಗಿ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದಿಂದ ಎಸ್‌ಒಪಿ ನೀಡಲಾಗುತ್ತದೆ.
* ಬಿಸಿನೆಸ್
ಟು ಬಿಸಿನೆಸ್ (ಬಿ ೨ ಬಿ)
ಪ್ರದರ್ಶನಗಳನ್ನು ತೆರೆಯಲು ಅನುಮತಿ ನೀಡಲಾಗುವುದು. ಇದಕ್ಕಾಗಿ ಎಸ್‌ಒಪಿ ಅನ್ನು ವಾಣಿಜ್ಯ ಇಲಾಖೆಯಿಂದ ನೀಡಲಾಗುತ್ತದೆ.
* ಕ್ರೀಡಾಪಟುಗಳ
ತರಬೇತಿಗಾಗಿ ಬಳಸಲಾಗುವ ಈಜುಕೊಳಗಳನ್ನು ತೆರೆಯಲು ಅನುಮತಿ ನೀಡಲಾಗುವುದು. ಇದಕ್ಕಾಗಿ ಯುವ ವ್ಯವಹಾರ ಮತ್ತು ಕ್ರೀಡಾ ಸಚಿವಾಲಯದಿಂದ ಪ್ರಮಾಣಿತ ಕಾರ್ಯಾಚರಣಾ ವಿಧಾನವನ್ನು (ಎಸ್‌ಒಪಿ) ನೀಡಲಾಗುತ್ತದೆ.
* ಮನರಂಜನಾ
ಉದ್ಯಾನವನಗಳು ಮತ್ತು ಅಂತಹುದೇ ಸ್ಥಳಗಳನ್ನು ತೆರೆಯಲು ಅನುಮತಿ ನೀಡಲಾಗುವುದು, ಇದಕ್ಕಾಗಿ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯದಿಂದ ಎಸ್‌ಒಪಿ ನೀಡಲಾಗುತ್ತದೆ.
ಶಾಲೆಗಳು,
ಕಾಲೇಜುಗಳು, ಶಿಕ್ಷಣ ಸಂಸ್ಥೆಗಳು ಮತ್ತು ತರಬೇತಿ ಸಂಸ್ಥೆಗಳನ್ನು ತೆರೆಯುವಿಕೆ:
* ಶಾಲೆಗಳು
ಮತ್ತು ತರಬೇತಿ ಸಂಸ್ಥೆಗಳ ಪುನಾರಂಭಕ್ಕೆ ರಾಜ್ಯ / ಕೇಂದ್ರಾಡಳಿತ ಸರ್ಕಾರಗಳಿಗೆ ೨೦೨೦ ರ ಅಕ್ಟೋಬರ್ ೧೫
ರ ನಂತರ ಶ್ರೇಣೀಕೃತ ರೀತಿಯಲ್ಲಿ ನಿರ್ಧಾರ ತೆಗೆದುಕೊಳ್ಳುವ ಅವಕಾಶ ನೀಡಲಾಗಿದೆ. ಪರಿಸ್ಥಿತಿಯ ಮೌಲ್ಯಮಾಪನದ ಆಧಾರದ ಮೇಲೆ ಆಯಾ ಶಾಲೆ / ಸಂಸ್ಥೆಯ ನಿರ್ವಹಣೆಯೊಂದಿಗೆ ಸಮಾಲೋಚಿಸಿ ನಿರ್ಧಾರ ತೆಗೆದುಕೊಳ್ಳಲಾಗುವುದು ಮತ್ತು ಈ ಅವು ಈ
ಕೆಳಗಿನ ಷರತ್ತುಗಳಿಗೆ ಒಳಪಟ್ಟಿರುತ್ತದೆ:
* ಆನ್‌ಲೈನ್ / ದೂರಶಿಕ್ಷಣವು ಆದ್ಯತೆಯ ಬೋಧನಾ ವಿಧಾನವಾಗಿ ಮುಂದುವರೆಯುತ್ತದೆ ಮತ್ತು ಅದನ್ನು ಪ್ರೋತ್ಸಾಹಿಸಲಾಗುತ್ತದೆ.
* ಅಲ್ಲಿ
ಶಾಲೆಗಳು ಆನ್‌ಲೈನ್ ತರಗತಿಗಳನ್ನು ನಡೆಸುತ್ತಿವೆ, ಮತ್ತು ಕೆಲವು ವಿದ್ಯಾರ್ಥಿಗಳು ದೈಹಿಕವಾಗಿ ಶಾಲೆಗೆ ಹಾಜರಾಗುವ ಬದಲು ಆನ್‌ಲೈನ್ ತರಗತಿಗಳಿಗೆ ಹಾಜರಾಗಲು ಬಯಸುತ್ತಾರೆ, ಅವರಿಗೆ ಹಾಗೆ ಮಾಡಲು ಅನುಮತಿ ನೀಡಬಹುದು.
* ಪೋಷಕರ
ಲಿಖಿತ ಒಪ್ಪಿಗೆಯೊಂದಿಗೆ ಮಾತ್ರ ಶಾಲೆಗಳು / ಸಂಸ್ಥೆಗಳಿಗೆ ಹಾಜರಾಗಬಹುದು.
* ಹಾಜರಾತಿಯನ್ನು
ಜಾರಿಗೊಳಿಸಬಾರದು ಮತ್ತು ಪೋಷಕರ ಒಪ್ಪಿಗೆಯ ಮೇಲೆ ಸಂಪೂರ್ಣವಾಗಿ ಅವಲಂಬಿತವಾಗಿರಬೇಕು.
* ರಾಜ್ಯಗಳು
/ ಕೇಂದ್ರಾಡಳಿತ ಪ್ರದೇಶಗಳು ಭಾರತ ಮತ್ತು ಸರ್ಕಾರದ ಶಿಕ್ಷಣ ಸಚಿವಾಲಯದ ಶಾಲಾ ಶಿಕ್ಷಣ ಮತ್ತು ಸಾಕ್ಷರತೆ ಇಲಾಖೆ (ಡೊಸೆಲ್) ಹೊರಡಿಸಲಿರುವ ಎಸ್‌ಒಪಿ ಆಧರಿಸಿ ಶಾಲೆಗಳು / ಸಂಸ್ಥೆಗಳನ್ನು ಪುನಾರಂಭಿಸಲು ಆರೋಗ್ಯ ಮತ್ತು ಸುರಕ್ಷತೆ ಮುನ್ನೆಚ್ಚರಿಕೆಗಳ ಬಗ್ಗೆ ತಮ್ಮದೇ ಆದ ಎಸ್‌ಒಪಿ
ಸಿದ್ಧಪಡಿಸುತ್ತವೆ.
* ಶಾಲೆಗಳನ್ನು
ತೆರೆಯಲು ಅನುಮತಿ ಇದೆ. ಅವುಗಳು ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳ ಶಿಕ್ಷಣ ಇಲಾಖೆಗಳು ನೀಡುವ ಎಸ್‌ಒಪಿಯನ್ನು ಕಡ್ಡಾಯವಾಗಿ ಅನುಸರಿಸಬೇಕಾಗುತ್ತದೆ.
* ಉನ್ನತ
ಶಿಕ್ಷಣ ಇಲಾಖೆ (ಡಿಎಚ್‌ಇ), ಶಿಕ್ಷಣ ಸಚಿವಾಲಯವು ಕಾಲೇಜುಗಳು / ಉನ್ನತ ಶಿಕ್ಷಣ ಸಂಸ್ಥೆಗಳನ್ನು ತೆರೆಯುವ ಸಮಯದ ಬಗ್ಗೆ, ಗೃಹ ವ್ಯವಹಾರಗಳ ಸಚಿವಾಲಯದೊಂದಿಗೆ (ಎಂಎಚ್‌ಎ) ಸಮಾಲೋಚಿಸಿ, ಪರಿಸ್ಥಿತಿಯ
ಮೌಲ್ಯಮಾಪನದ ಆಧಾರದ ಮೇಲೆ ನಿರ್ಧಾರ ತೆಗೆದುಕೊಳ್ಳಬಹುದು. ಆನ್‌ಲೈನ್ / ದೂರಶಿಕ್ಷಣವು ಆದ್ಯತೆಯ ಬೋಧನಾ ವಿಧಾನವಾಗಿ ಮುಂದುವರೆಯುತ್ತದೆ ಮತ್ತು ಅದನ್ನು ಪ್ರೋತ್ಸಾಹಿಸಲಾಗುವುದು.
ದುರ್ಗಾ
ಪೂಜೆ ಸೇರಿದಂತೆ ಅಕ್ಟೋಬರಿನಲ್ಲಿ ಹಲವಾರು ಧಾರ್ಮಿಕ ಉತ್ಸವಗಳು ಬರುವುದರಿಂದ ಅನ್ಲಾಕ್ ೫.೦ ಅತ್ಯಂತ
ನಿರ್ಣಾಯಕವಾಗುವ ಸಾಧ್ಯತೆಯಿದೆ. ಬಿಹಾರ ವಿಧಾನಸಭಾ ಚುನಾವಣೆ ೨೦೨೦ ರ ಮೊದಲ ಹಂತವು
ಅಕ್ಟೋಬರ್ ೨೮ಕ್ಕೆ ನಿಗದಿಯಾಗಿದೆ. ಒಂದು ಸ್ಥಳದಲ್ಲಿ ಗರಿಷ್ಠ ಸಂಖ್ಯೆಯ ಜನರು ಸೇರುವುದಕ್ಕೆ ಸಂಬಂಧಿಸಿದಂತೆ ಕೇಂದ್ರವು
ತನ್ನ ಆದೇಶವನ್ನು ಪರಿಷ್ಕರಿಸುವ ಸಾಧ್ಯತೆಯಿದೆ.
ಹಂತವಾರು
ಅನ್ಲಾಕ್ ಪ್ರಕ್ರಿಯೆ ಜೂನ್ ತಿಂಗಳಲ್ಲಿ ಪ್ರಾರಂಭವಾಯಿತು. ಇದರೊಂದಿಗೆ ಕೆಲವೇ ಅಗತ್ಯ ಚಟುವಟಿಕೆಗಳು ಧಾರಕ ವಲಯಗಳ ಹೊರಗೆ ಪ್ರಾರಂಭವಾದವು. ಕಳೆದ ನಾಲ್ಕು ತಿಂಗಳುಗಳಲ್ಲಿ, ಕಚೇರಿಗಳು, ಮೆಟ್ರೊ, ದೇಶೀಯ ವಿಮಾನಗಳು ಸೇರಿದಂತೆ ಸಾರ್ವಜನಿಕ ಸಾರಿಗೆ, ಧಾರ್ಮಿಕ ಸ್ಥಳಗಳು, ರೆಸ್ಟೋರೆಂಟ್‌ಗಳು, ಹೋಟೆಲ್‌ಗಳು, ಜಿಮ್‌ಗಳು, ಶಾಲೆಗಳು ಮತ್ತು ಕಾಲೇಜುಗಳು ಚಟುವಟಿಕೆ ಆರಂಭಿಸಲು ಅನುಮತಿ ನೀಡಲಾಗಿದೆ. ಆದರೂ ಸಂಬಂಧಪಟ್ಟ ರಾಜ್ಯ ಸರ್ಕಾರಗಳು ಈ ವಿಚಾರದಲ್ಲಿ ಅಂತಿಮ
ಅಧಿಕಾರ ಹೊಂದಿರುತ್ತವೆ. .
ಈ
ಮಧ್ಯೆ, ತಮಿಳುನಾಡು ಮತ್ತು ಮಹಾರಾಷ್ಟ್ರ ಅಕ್ಟೋಬರ್ ೩೧ ರವರೆಗೆ ಲಾಕ್
ಡೌನ್ ವಿಸ್ತರಿಸಿವೆ.
