ಜೋ-ಬಿಡೆನ್ - ಪ್ರಧಾನಿ ಮೋದಿ ದೂರವಾಣಿ ಸಂಭಾಷಣೆ

 ಜೋ-ಬಿಡೆನ್ -  ಪ್ರಧಾನಿ ಮೋದಿ ದೂರವಾಣಿ ಸಂಭಾಷಣೆ

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರು ಅಮೆರಿಕದ ಅಧ್ಯಕ್ಷೀಯ ಚುನಾವಣೆ (೨೦೨೦) ಫಲಿತಾಂಶಗಳು ಘೋಷಣೆಯಾದ ಬಳಿಕ ಅಧ್ಯಕ್ಷರಾಗಿ (ಚುನಾಯಿತ) ಆಯ್ಕೆಯಾಗಿರುವ ಜೋ ಬಿಡೆನ್ ಅವರ ಜೊತೆ ಇದೇ ಮೊದಲ ಬಾರಿಗೆ  ದೂರವಾಣಿ ಮೂಲಕ ಮಾತನಾಡಿದ್ದಾರೆ.

ದೂರವಾಣಿ ಕರೆಯ ಸಮಯದಲ್ಲಿ, ಪ್ರಧಾನಿ ಮೋದಿ ಅವರು ಬಿಡೆನ್ ಮತ್ತು ಉಪಾಧ್ಯಕ್ಷರಾಗಿ ಚುನಾಯಿತರಾದ ಕಮಲಾ ಹ್ಯಾರಿಸ್ ಅವರ ವಿಜಯವನ್ನು ಅಭಿನಂದಿಸಿದರು ಮತ್ತು ಭಾರತ-ಅಮೆರಿಕ ಕಾರ್‍ಯತಂತ್ರದ ಸಹಭಾಗಿತ್ವಕ್ಕೆ ನವದೆಹಲಿಯ ಬದ್ಧತೆಯನ್ನು ಪುನರುಚ್ಚರಿಸಿದರು. ಜೊತೆಗೇ ಪರಸ್ಪರ ಹಂಚಿಕೊಳ್ಳಬೇಕಾದ ಆದ್ಯತೆಗಳು ಮತ್ತು ಕಾಳಜಿಗಳ ಬಗ್ಗೆ ಚರ್ಚಿಸಿದರು.

’ಅಮೆರಿಕದ ಅಧ್ಯಕ್ಷ- ಚುನಾಯಿತ ಜೋ ಬಿಡೆನ್ ಅವರನ್ನು ಅಭಿನಂದಿಸಲು ದೂರವಾಣಿಯಲ್ಲಿ ಮಾತನಾಡಿದೆ’ ಎಂದು ಪ್ರಧಾನಿ ಮೋದಿ ಟ್ವೀಟ್ ಮಾಡಿದರು.

’ಭಾರತ-ಅಮೆರಿಕದ ನಡುವಣ ಕಾರ್ಯತಂತ್ರದ ಸಹಭಾಗಿತ್ವಕ್ಕೆ ನಮ್ಮ ಬದ್ಧತೆಯನ್ನು ನಾವು ಪುನರುಚ್ಚರಿಸಿದ್ದೇವೆ. ಮತ್ತು ಕೋವಿಡ್-೧೯ ಸಾಂಕ್ರಾಮಿಕ, ಹವಾಮಾನ ಬದಲಾವಣೆ ಮತ್ತು ಹಿಂದೂ ಮಹಾಸಾಗರ-ಶಾಂತ ಸಾಗರ (ಇಂಡೋ-ಪೆಸಿಫಿಕ್) ಪ್ರದೇಶದಲ್ಲಿನ ಸಹಕಾರ ಸೇರಿದಂತೆ ಪರಸ್ಪರ ಹಂಚಿಕೊಳ್ಳುವ ನಮ್ಮ ಆದ್ಯತೆಗಳು ಮತ್ತು ಕಾಳಜಿಗಳ ಬಗ್ಗೆ ಚರ್ಚಿಸಿದ್ದೇವೆ’ ಎಂದು ಪ್ರಧಾನಿ ಮೈಕ್ರೋ ಬ್ಲಾಗಿಂಗ್ ಟ್ವಿಟ್ಟರಿನಲ್ಲಿ ಬರೆದರು.

"ನಾನು ಉಪಾಧ್ಯಕ್ಷ-ಚುನಾಯಿತ ಕಮಲಾ ಹ್ಯಾರಿಸ್ ಅವರಿಗೆ ಆತ್ಮೀಯ ಅಭಿನಂದನೆಗಳನ್ನು ತಿಳಿಸಿದೆ. ಅವರ ಯಶಸ್ಸು ಭಾರತ-ಅಮೆರಿಕ ಸಂಬಂಧಗಳಿಗೆ ಅಪಾರ ಶಕ್ತಿಯ ಮೂಲವಾಗಿರುವ ಭಾರತೀಯ-ಅಮೇರಿಕನ್ ಸಮುದಾಯದ ಸದಸ್ಯರಿಗೆ ಬಹಳ ಹೆಮ್ಮೆ, ರೋಮಾಂಚಕ ಮತ್ತು ಸ್ಫೂರ್ತಿಯಾಗಿದೆ" ಎಂದು ಪ್ರಧಾನಿ ಮೋದಿ ಬರೆದರು.

ಬಿಡೆನ್  ಪರಿವರ್ತನಾ ತಂಡದ ಪ್ರಕಾರ, ಡೆಮೋಕ್ರಾಟ್ ನಾಯಕರು ಕೋವಿಡ್-೧೯ ಮತ್ತು ಜಾಗತಿಕ ಆರ್ಥಿಕತೆ ಸೇರಿದಂತೆ ಹಲವಾರು ವಿಷಯಗಳ ಕುರಿತು ಭಾರತದೊಂದಿಗೆ ಕೆಲಸ ಮಾಡಲು ಆಸಕ್ತಿ ಹೊಂದಿದ್ದಾರೆ.

’ಕೋವಿಡ್-೧೯ನ್ನು ಒಳಗೊಂಡಿರುವುದು ಮತ್ತು ಭವಿಷ್ಯದ ಆರೋಗ್ಯ ಬಿಕ್ಕಟ್ಟುಗಳ ವಿರುದ್ಧ ರಕ್ಷಿಸುವುದು, ಹವಾಮಾನ ಬದಲಾವಣೆಯ ಬೆದರಿಕೆಯನ್ನು ನಿಭಾಯಿಸುವುದು, ಜಾಗತಿಕ ಆರ್ಥಿಕ ಚೇತರಿಕೆ ಪ್ರಾರಂಭಿಸುವುದು, ಪ್ರಜಾಪ್ರಭುತ್ವವನ್ನು ಬಲಪಡಿಸುವುದು, ದೇಶ ಮತ್ತು ವಿದೇಶಗಳಲ್ಲಿ, ಮತ್ತು ಸುರಕ್ಷಿತ ಮತ್ತು ಸಮೃದ್ಧವಾದ ಇಂಡೋ-ಪೆಸಿಫಿಕ್ ಪ್ರದೇಶವನ್ನು ಕಾಪಾಡಿಕೊಳ್ಳುವುದು ಸೇರಿದಂತೆ ಹಂಚಿಕೆಯ ಜಾಗತಿಕ ಸವಾಲುಗಳ ಕುರಿತು ಪ್ರಧಾನಮಂತ್ರಿಯೊಂದಿಗೆ ನಿಕಟವಾಗಿ ಕೆಲಸ ಮಾಡಲು ತಾವು ಎದುರು ನೋಡುತ್ತಿರುವುದಾಗಿ  ಅಧ್ಯಕ್ಷ-ಚುನಾಯಿತರು ಬೊಟ್ಟು ಮಾಡಿದರು ಎಂದು ಬಿಡೆನ್ ಪರಿವರ್ತನಾ ತಂಡದ ಹೇಳಿಕೆ ತಿಳಿಸಿದೆ.

ಬಿಡೆನ್ ಅವರು ತಮಗೆ ಅಭಿನಂದನೆ ಸಲ್ಲಿಸಿದ್ದಕ್ಕಾಗಿ ಪ್ರಧಾನಿ ಮೋದಿಯವರಿಗೆ ಧನ್ಯವಾದಗಳನ್ನು ಅರ್ಪಿಸಿದರು ಮತ್ತು "ದಕ್ಷಿಣ ಏಷ್ಯಾ ಮೂಲದ ಮೊದಲ ಉಪಾಧ್ಯಕ್ಷರ ಜೊತೆಗೆ ಅಮೆರಿಕ-ಭಾರತ ಕಾರ್ಯತಂತ್ರದ ಸಹಭಾಗಿತ್ವವನ್ನು ಬಲಪಡಿಸುವ ಮತ್ತು ವಿಸ್ತರಿಸು ಇಚ್ಛೆಯನ್ನು ವ್ಯಕ್ತಪಡಿಸಿದರು" ಎಂದು ಕರೆಯ ಕುರಿತ ಹೇಳಿಕೆ ತಿಳಿಸಿದೆ.

ಟ್ರಂಪ್, ಬಿಡೆನ್ ಬೆಂಬಲಿಗರು ಮುಖಾಮುಖಿ; ಹಿಂಸಾಚಾರಕ್ಕೆ ತಿರುಗಿದ ಪ್ರತಿಭಟನೆ

 ಟ್ರಂಪ್, ಬಿಡೆನ್ ಬೆಂಬಲಿಗರು ಮುಖಾಮುಖಿ; ಹಿಂಸಾಚಾರಕ್ಕೆ ತಿರುಗಿದ ಪ್ರತಿಭಟನೆ

ವಾಷಿಂಗ್ಟನ್: ಅಮೆರಿಕದ ಅಧ್ಯಕ್ಷೀಯ ಚುನಾವಣೆಯಲ್ಲಿ ಅಕ್ರಮ ನಡೆದಿದೆ ಎಂಬ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ವಾದವನ್ನು ಬೆಂಬಲಿಸಿ ಅವರ ಬೆಂಬಲಿಗರು 2020 ನವೆಂಬರ್ 14ರ ಶನಿವಾರ ಹಲವೆಡೆ ಪ್ರದರ್ಶನ ನಡೆಸಿದ್ದು, ಈ ವೇಳೆ ಹಿಂಸಾಚಾರ ಭುಗಿಲೆದ್ದಿತು.

ಒಂದೆಡೆ ಟ್ರಂಪ್ ಬೆಂಬಲಿಗರು ಚುನಾವಣಾ ಫಲಿತಾಂಶದ ವಿರುದ್ಧ ಪ್ರತಿಭಟನೆ ನಡೆಸುತ್ತಿದ್ದರೆ, ಇನ್ನೊಂದಡೆ ಜೋ ಬಿಡೆನ್ ಗೆಲುವನ್ನು ಸಂಭ್ರಮಿಸಿ ಅವರ ಬೆಂಬಲಿಗರು ಮೆರವಣಿಗೆ ನಡೆಸಿದರು. ಆದರೆ  ಶ್ವೇತಭವನದಿಂದ ಸ್ವಲ್ಪ ದೂರದಲ್ಲಿ ಎರಡು ಬಣಗಳು ಮುಖಾಮುಖಿಯಾಗಿ,  ಶಾಂತಿಯುತ ಪ್ರದರ್ಶನ ಹಿಂಸಾಚಾರಕ್ಕೆ ತಿರುಗಿತು.

ಈ ವೇಳೆ ‘ಬ್ಲ್ಯಾಕ್ ಲೈಫ್ ಮ್ಯಾಟರ್’ ಪ್ರತಿಭಟನಕಾರೊಬ್ಬರು ಚಾಕು ಇರಿತಗೊಳಗಾಗಿದ್ದು, ಅವರನ್ನು ತಕ್ಷಣವೇ ಆಸ್ಪತ್ರೆಗೆ ದಾಖಲಿಸಲಾಯಿತು. ಇಬ್ಬರು ಪೊಲೀಸ್ ಅಧಿಕಾರಿಗಳಿಗೂ ಗಾಯಗಳಾಗಿವೆ ಎಂದು ವರದಿಯೊಂದು ಹೇಳಿದೆ.

ಟ್ರಂಪ್ ವಿರೋಧಿ ಪ್ರತಿಭನಕಾರರು ಟ್ರಂಪ್ ಬೆಂಬಲಿಗರ ಮೇಲೆ ಮೊಟ್ಟೆ ಎಸೆದಿದ್ದಾರೆ. ಬ್ಯಾನರ್,ಟೋಪಿಗಳಿಗೆ ಬೆಂಕಿ ಹಚ್ಚಿದ್ದಾರೆ ಎಂದು ವರದಿ ತಿಳಿಸಿತು.

ಈ ಗಲಭೆಯ ವಿಡಿಯೊಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು, ವಿಡಿಯೊದಲ್ಲಿ ಎರಡು ಬಣದ ಬೆಂಬಲಿಗರು ಪರಸ್ಪರ ಹೊಡೆದಾಡುತ್ತಿರುವುದು ಕಂಡುಬಂದಿತು.

ಈ ಬಗ್ಗೆ ಟ್ವೀಟ್ ಮಾಡಿರುವ ಟ್ರಂಪ್,‘ ನ್ಯೂಸ್ ಚಾನೆಲ್ ಗಳು ಜೋ ಬಿಡೆನ್ ಬೆಂಬಲಿಗರು ನಡೆಸಿದ ಮೆರವಣಿಗೆಯನ್ನು ಪ್ರಸಾರ ಮಾಡುತ್ತಿಲ್ಲ. ಕೇವಲ ನನ್ನ ಬೆಂಬಲಿಗರ ಪೋಟೊಗಳನ್ನು ತೋರಿಸುತ್ತಿದ್ದಾರೆ. ನಮ್ಮನ್ನು ಮಾಧ್ಯಮದವರೂ ಕೂಡ ತಡೆಯುತ್ತಿದ್ದಾರೆ’ ಎಂದು ದೂರಿದರು.

ಬಿಡೆನ್ ಅಜೆಂಡಾಕ್ಕೆ ಜಾರ್ಜಿಯಾದಲ್ಲಿ ಟ್ರಂಪ್ ತಡೆ

 ಬಿಡೆನ್ ಅಜೆಂಡಾಕ್ಕೆ ಜಾರ್ಜಿಯಾದಲ್ಲಿ ಟ್ರಂಪ್ ತಡೆ

ವಾಷಿಂಗ್ಟನ್: ಆರೋಗ್ಯ ಕಾಳಜಿ (ಹೆಲ್ತ ಕೇರ್) ಕಾರ್‍ಯಕ್ರಮದ ವ್ಯಾಪ್ತಿ ವಿಸ್ತರಣೆ, ಹವಾಮಾನ ವೈಪರೀತ್ಯದ ವಿರುದ್ಧ ಹೋರಾಟ ಮತ್ತು ಕೊರೋನವೈರಸ್ ವಿರುದ್ಧದ ಹೋರಾಟಕ್ಕೆ ಹೆಚ್ಚಿನ ನೆರವು ನೀಡುವಂತಹ ಪ್ರಮುಖ ಡೆಮಾಕ್ರಟಿಕ್ ಆದ್ಯತೆಗಳನ್ನು ಜಾರಿಗೆ ತರುವ ಅಧ್ಯಕ್ಷ-(ಚುನಾಯಿತ) ಜೋ ಬಿಡೆನ್ ಅವರ ಯೋಜನೆಗಳಿಗೆ ಜನವರಿಯಲ್ಲಿ ಜಾರ್ಜಿಯಾದಲ್ಲಿ ತಡೆ ಬೀಳುವ ಸಾಧ್ಯತೆಗಳಿವೆ ಎಂದು ವರದಿಗಳು  2020 ನವೆಂಬರ್ 09ರ ಸೋಮವಾರ ಹೇಳಿವೆ.

ಸೆನೆಟಿನಲ್ಲಿ ಬಹುಮತವನ್ನು ಸಾಧಿಸುವ ಕಾರ್ಯದಲ್ಲಿ ಡೆಮಾಕ್ರ್ರಟಿಕ್ ಪಕ್ಷ ಹಿಂದೆ ಬಿದ್ದಿದ್ದು, ಹೌಸ್ ಆಫ್ ರೆಪ್ರಸೆಂಟೇಟಿವ್‌ನಲ್ಲಿ ಮೊದಲಿದ್ದ ಸ್ಥಾನಗಳನ್ನೂ ಕಳೆದುಕೊಂಡಿದ್ದಾರೆ. ಡೊನಾಲ್ಡ್ ಟ್ರಂಪ್ ನೇತೃತ್ವದ ರಿಪಬ್ಲಿಕನ್ ಪಕ್ಷವು ಉತ್ತಮ ಫಲಿತಾಂಶದೊಂದಿಗೆ ಜೋ ಬಿಡೆನ್ ಅವರ ಶಾಸಕಾಂಗ ಉಪಕ್ರಮಗಳಿಗೆ ಅಂಕುಶ ಹಾಕುವ ಸಾಮರ್ಥ ಪಡೆದುಕೊಂಡಿದೆ.

ಸಾಂಪ್ರದಾಯಿಕವಾಗಿ ರಿಪಬ್ಲಿಕನ್-ಒಲವು ಹೊಂದಿರುವ ರಾಜ್ಯದಲ್ಲಿ ಈಗಿರುವ ಇಬ್ಬರು ರಿಪಬ್ಲಿಕನ್ ಸೆನೆಟರ್‌ಗಳನ್ನು ಪದಚ್ಯುತಗೊಳಿಸುವ ಶತಪ್ರಯತ್ನವನ್ನು ಬಿಡೆನ್ ಅವರ ಪಕ್ಷವು ನಡೆಸುತ್ತಿದೆ. ಅಲ್ಲಿ ಮತ ಎಣಿಕೆ ಮುಂದುವರೆದಂತೆ ಬಿಡೆನ್ ಸ್ವತಃ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್‌ಗಿಂತ ಅತ್ಯಂತ ಕಡಿಮೆ ಅಂತರದ ಮುನ್ನಡೆಯಲ್ಲಿದ್ದಾರೆ.

 "ನಾವು ಜಾರ್ಜಿಯಾವನ್ನು ವಶಕ್ಕೆ ತೆಗೆದುಕೊಳ್ಳುತ್ತೇವೆ, ನಂತರ ನಾವು ಜಗತ್ತನ್ನು ಬದಲಾಯಿಸುತ್ತೇವೆ’ ಎಂದು ಸೆನೆಟ್ ಡೆಮಾಕ್ರಟಿಕ್ ನಾಯಕ ಚಕ್ ಶುಮರ್ ನ್ಯೂಯಾರ್ಕಿನಲ್ಲಿ ಶನಿವಾರ ಘೋಷಿಸಿದರು. ಆದರೆ ಜಾರ್ಜಿಯಾದ ರಿಪಬ್ಲಿಕನ್ ಗವರ್ನರ್ ಬ್ರಿಯಾನ್ ಕೆಂಪ್ ಅವರು ಜನವರಿಯಲ್ಲಿ ಹೆಚ್ಚಿನ ಮತ ಎಣಿಕೆಯನ್ನು ಪ್ರತಿಪಾದಿಸಿದರು. ರಿಪಬ್ಲಿಕನ್ನರಿಗೆ ಒಗ್ಗೂಡುವಂತೆ ಕರೆ ನೀಡಿದ ಅವರು "ಹೋರಾಟವು ಮುಗಿದಿಲ್ಲ’ ಎಂದು ಘೋಷಿಸಿದರು.

ರಿಪಬ್ಲಿಕನ್ನರು ಮುಂದಿನ ವರ್ಷ ಸೆನೆಟಿನ ೧೦೦ ಸ್ಥಾನಗಳಲ್ಲಿ ಕನಿಷ್ಠ ೫೦ ಸ್ಥಾನಗಳನ್ನು ಹೊಂದಲು ಮುಂದಾಗಿದ್ದಾರೆ, ಇದು ಉತ್ತರ ಕೆರೊಲಿನಾ ಮತ್ತು ಅಲಾಸ್ಕಾದ ಹಿಡಿತದಲ್ಲಿ ಮುನ್ನಡೆಯನ್ನು ನೀಡುತ್ತದೆ. ಡೆಮೋಕ್ರಾಟ್‌ಗಳಿಗೆ ಸೆನೆಟ್ ಮೇಲೆ ನಿಯಂತ್ರಣ ಸಾಧಿಸಲು ಜಾರ್ಜಿಯಾದ ಎರಡು ಹೋರಾಟಗಳಲ್ಲಿ ಪಡೆಯುವ ಗೆಲುವು ನಿರ್ಣಾಯಕವಾಗಿದೆ. ಸೆನೆಟಿನಲ್ಲಿ ಉಪಾಧ್ಯಕ್ಷ (ಚುನಾಯಿv) ಕಮಲಾ ಹ್ಯಾರಿಸ್ ಸೆನೆಟಿನಲ್ಲಿ ಟೈ ಬ್ರೇಕಿಂಗ್ ಮತ ಚಲಾಯಿಸಲು ಸಾಧ್ಯವಾಗುತ್ತದೆ.

ಎರಡನೇ ಅವಧಿಗೆ ಪ್ರಯತ್ನಿಸುತ್ತಿರುವ ಜಾರ್ಜಿಯಾ ರಿಪಬ್ಲಿಕನ್ ಸೆನೆಟರ್ ಡೇವಿಡ್ ಪರ್ಡ್ಯೂ ಶೇಕಡಾ ೪೯.೮ ಮತಗಳನ್ನು ಪಡೆದಿದ್ದಾರೆ, ಡೆಮೋಕ್ರಾಟ್ ಜಾನ್ ಒಸಾಫ್‌ಗೆ ಈವರೆಗೆ ಬಂದಿರುವುದು ಶೇ, ೪೭.೯ ಮಾತ್ರ. ಇತರ ಸ್ಪರ್ಧೆಯಲ್ಲಿ, ಬ್ಲ್ಯಾಕ್ ಡೆಮೋಕ್ರಾಟ್ ರೆವರೆಂಡ್ ರಾಫೆಲ್ ವಾರ್ನಾಕ್ ಅವರು ೩೨.೯ ಮತ  ಪಡೆದಿದ್ದರೆ, ರಿಪಬ್ಲಿಕನ್ ಸೆನೆಟರ್ ಕೆಲ್ಲಿ ಲೋಫ್ಲರ್ ಶೇ. ೨೫.೯ ಮತ ಪಡೆದಿದ್ದಾರೆ. ಮೂರನೆಯ ರಿಪಬ್ಲಿಕನ್, ಪ್ರತಿನಿಧಿ ಡೌಗ್ ಕಾಲಿನ್ಸ್, ಶೇ.೨೦ ಮತಗಳೊಂದಿಗೆ ಮೂರನೇ ಸ್ಥಾನಕ್ಕೆ ಬಂದಿದ್ದಾರೆ.

ಡೆಮೋಕ್ರಾಟ್‌ಗಳಿಗೆ ಅವಕಾಶವಿದೆ

ಜಾರ್ಜಿಯಾ ಎರಡು ದಶಕಗಳಿಂದ ಡೆಮಾಕ್ರಟಿಕ್ ಸೆನೆಟರ್‌ನ್ನು ಆಯ್ಕೆ ಮಾಡಿಲ್ಲ, ಆದರೆ ಜನಸಂಖ್ಯೆ ಬದಲಾವಣೆ ಮತ್ತು ಇತ್ತೀಚಿನ ಸ್ಪರ್ಧೆಗಳಲ್ಲಿ ಕ್ರಮೇಣ ಸುಧಾರಣೆ ಕಂಡಿರುವ ಡೆಮಾಕ್ರಟಿಕ್ ಪ್ರದರ್ಶನಗಳು ಪಕ್ಷಕ್ಕೆ ಜನವರಿ ೫ ರ ರನ್‌ಆಫ್‌ಗಳನ್ನು ಗೆಲ್ಲುವ ಅವಕಾಶವಿರುವುದನ್ನು ತೋರಿಸುತ್ತವೆ ಎಂದು ರಾಜಕೀಯ ವಿಶ್ಲೇಷಕರು ಹೇಳುತ್ತಾರೆ.

ಆದರೆ ಇದು ಹೆಚ್ಚಾಗಿ ಮತದಾರರನ್ನು ತೊಡಗಿಸಿಕೊಳ್ಳುವುದರ ಮೇಲೆ ಅವಲಂಬಿತವಾಗಿರುತ್ತದೆ ಎಂದು ಎಮೋರಿ ವಿಶ್ವವಿದ್ಯಾಲಯದ ರಾಜಕೀಯ ವಿಜ್ಞಾನ ಪ್ರಾಧ್ಯಾಪಕ ಆಂಡ್ರಾ ಗಿಲ್ಲೆಸ್ಪಿ ಹೇಳಿದರು.

"ಯಾವ ಪಕ್ಷವು ಉತ್ತಮ ಮತದಾನದ ಕಾರ್ಯಾಚರಣೆಯನ್ನು ಹೊಂದಿದೆಯೋ ಅದು ಗೆಲ್ಲುತ್ತದೆ’ ಎಂದು ಗಿಲ್ಲೆಸ್ಪಿ ಹೇಳಿದರು.

ಪರ್ಡ್ಯೂ ಮತ್ತು ಲೋಫ್ಲರ್ ಇಬ್ಬರೂ ಟ್ರಂಪ್ ಮಿತ್ರರು. ಆದರೆ ಸಹವರ್ತಿ ರಿಪಬ್ಲಿಕನ್ ಕಾಲಿನ್ಸ್ ಅವರನ್ನು ಸೋಲಿಸಲು ಲೋಫ್ಲರ್ ಈ ವರ್ಷ ಪ್ರಬಲ ಅಭಿಯಾನ ನಡೆಸಿದರು.

ಬಿಡೆನ್ ಗುರಿಗಳು

ರಿಪಬ್ಲಿಕನ್ನರು ಸೆನೆಟ್ ಬಹುಮತವನ್ನು ಕಾಯ್ದುಕೊಂಡರೆ ಬಿಡೆನ್ ಅವರ ಕ್ಯಾಬಿನೆಟ್ ಪಿಕ್ಸ್ ಮತ್ತು ನೀತಿ ಪ್ರಸ್ತಾಪಗಳು ಕಿರಿಕಿರಿ ಎದುರಿಸಬೇಕಾಗುತ್ತದೆ. ಒಬಾಮಕೇರ್ ಆರೋಗ್ಯ ಕಾರ್ಯಕ್ರಮವನ್ನು ಬಲಪಡಿಸಲು ಮತ್ತು ವಿಸ್ತರಿಸಲು ಡೆಮಾಕ್ರಟಿಕ್ ಪಕ್ಷ ಪ್ರತಿಜ್ಞೆ ಮಾಡಿತ್ತು. ಇಂಗಾಲದ ಹೊರಸೂಸುವಿಕೆಯನ್ನು ನಿಗ್ರಹಿಸಲು ಮತ್ತು ಉದ್ಯೋಗಗಳನ್ನು ಸೃಷ್ಟಿಸುವ ಬಹು-ಟ್ರಿಲಿಯನ್ ಡಾಲರ್ ಯೋಜನೆಯ ಬಗ್ಗೆ ಅವರು ಪ್ರಚಾರ ಮಾಡಿದರು ಮತ್ತು ಅವರು ನಿಗಮಗಳು ಮತ್ತು ಶ್ರೀಮಂತ ವ್ಯಕ್ತಿಗಳ ಮೇಲೆ ತೆರಿಗೆ ಹೆಚ್ಚಿಸಲು ಒಲವು ತೋರಿದ್ದರು.

ಆದರೆ ಈ ಗುರಿಗಳು ಸೆನೆಟ್ ಉಸ್ತುವಾರಿ ರಿಪಬ್ಲಿಕನ್ನರೊಂದಿಗೆ ತೀವ್ರ ವಿರೋಧವನ್ನು ಎದುರಿಸಬೇಕಾಗುತ್ತದೆ. ರಿಪಬ್ಲಿಕನ್ನರು ವಿರೋಧಿಸುವ ಯಾವುದೇ ಹೆಚ್ಚುವರಿ ಕೊರೊನಾವೈರಸ್ ನೆರವಿನ ಬಗೆಗೂ ಕಠಿಣ ಚೌಕಾಶಿ ನಡೆಯುವ ಸಾಧ್ಯತೆ ಇದೆ.