ಮಹಾಮಳೆಗೆ ಪಶ್ಚಿಮ ಮಹಾರಾಷ್ಟ್ರ ಮತ್ತು ಕರ್ನಾಟಕ ತತ್ತರ, ತೆಲಂಗಾಣದಲ್ಲಿ 50 ಸಾವು
ನವದೆಹಲಿ
: ಹೈದರಾಬಾದ್ ನಗರಕ್ಕೆ ದಾಖಲೆ ಪ್ರಮಾಣದಲ್ಲಿ ಅಪ್ಪಳಿಸಿ ಹಲವಾರು ಪ್ರಾಣಗಳನ್ನು ಬಲಿ ಪಡೆದ ’ಮಹಾ ಮಳೆ’ 2020 ಅಕ್ಟೋಬರ್ 15ರ ಗುರುವಾರ ಕೊಂಕಣ, ಪುಣೆ, ಮುಂಬೈ, ಮರಾಠವಾಡ ಹಾಗೂ ಕರ್ನಾಟಕದತ್ತ ಚಲಿಸಿ ವ್ಯಾಪಕ ಬೆಳೆಹಾನಿಯನ್ನು ಉಂಟು ಮಾಡಿತು.
ಭಾರೀ ಮಳೆ, ಪ್ರವಾಹದಿಂದಾಗಿ ತೆಲಂಗಾಣದಲ್ಲಿ ಕನಿಷ್ಠ ೫೦ ಮಂದಿ ಮೃತರಾಗಿದ್ದು, ೫೦೦೦ ಕೋಟಿ ರೂಪಾಯಿಗೂ ಹೆಚ್ಚಿನ ನಷ್ಟವಾಗಿದೆ ಎಂದು ತೆಲಂಗಾಣದ ಮುಖ್ಯಮಂತ್ರಿ ಕೆ. ಚಂದ್ರಶೇಖರರಾವ್ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಪತ್ರ ಬರೆದರು. ೧೩೫೦ ಕೋಟಿ ರೂ. ಪರಿಹಾರ ಒದಗಿಸುವಂತೆಯೂ ಅವರು ಕೋರಿದರು.
ಅಕಾಲಿಕ ಮತ್ತು ಭಾರೀ ಮಳೆಯು ಪುಣೆ ನಗರ ಮತ್ತು ಅದರ ಉಪನಗರಗಳಲ್ಲಿ ಹಲವಾರು ಪ್ರದೇಶಗಳನ್ನು ಜಲಾವೃತಗೊಳಿಸಿತು. ಮರಾಠವಾಡದಲ್ಲಿ ಬೇಸಿಗೆಯ ಪ್ರಮುಖ ಸೋಯಾಬೀನ್ ಮತ್ತು ಹತ್ತಿಯ ಬೆಳೆಗಳಿಗೆ ವ್ಯಾಪಕ ಹಾನಿಯನ್ನುಂಟುಮಾಡಿತು ಎಂದು ರೈತರು ಹೇಳಿದರು.
ರಾಜ್ಯದ ಪಶ್ಚಿಮ ಭಾಗದಲ್ಲಿ, ಕೊಂಬನ್ ಜೊತೆಗೆ ಮುಂಬೈ, ಪುಣೆ ನಗರ ಮತ್ತು ಪುಣೆ ಜಿಲ್ಲೆಯಲ್ಲಿ ಅತಿ ಹೆಚ್ಚು ಮಳೆ ಸುರಿಯಿತು. ಪುಣೆ ನಗರದ ಸಾಂತಕ್ರೂಜ್ ಮತ್ತು ಮುಂಬೈಯಲ್ಲಿ ಕ್ರಮೇಣ ೮೬ ಮಿ.ಮೀ ಮತ್ತು ೧೧೨ ಮಿ.ಮೀ ಮಳೆ ಸುರಿದರೆ ಬಾರಾಮತಿಯಲ್ಲಿ ೧೪೮.೪ ಮಿ.ಮೀ., ರತ್ನಾಗಿರಿ ಪಟ್ಟಣದಲ್ಲಿ ೧೨೨.೯ ಮಿ.ಮೀ.ಮಳೆ ಸುರಿದಿದೆ. ಈ ಭಾಗಗಳಲ್ಲಿ ಭಾರೀ ಮಳೆಯಿಂದಾಗಿ ಭತ್ತದ ಬೆಳೆಗಳಿಗೆ ವ್ಯಾಪಕ ಹಾನಿಯಾಗಿದೆ ಎಂದು ವರದಿಯಾಗಿದೆ.
ಪುಣೆಯಲ್ಲಿನ ಮಳೆಯಿಂದಾಗಿ ನಗರದ ಕೆಲವು ಭಾಗಗಳಲ್ಲಿ ನೀರು ಹರಿಯಿತು. ಕರಾವಳಿ ಕರ್ನಾಟಕದ ಉಡುಪಿಯಲ್ಲಿ ಗುರುವಾರ ಬೆಳಗ್ಗಿನವರೆಗೆ ೧೯೦ ಮಿ.ಮೀ ಗಿಂತ ಹೆಚ್ಚಿನ ಮಳೆಯಾಗಿದೆ ಮತ್ತು ಶಿವಮೊಗ್ಗ ಜಿಲ್ಲೆಯಲ್ಲಿ ೨೦೦ ಮಿ.ಮೀ. ಮಳೆಯಾಗಿದೆ.
ತೆಲಂಗಾಣದಲ್ಲಿ ದಾಖಲೆಯ ಮಳೆಗೆ ಕಾರಣವಾದ ಚಂಡ ಮಾರುತವು ಪಶ್ಚಿಮ ದಿಕ್ಕಿಗೆ ಸಾಗಿ, ಬಳಿಕ ದುರ್ಬಲಗೊಂಡು ದಕ್ಷಿಣ ಮತ್ತು ಮಧ್ಯ ಮಹಾರಾಷ್ಟ್ರದ ಮೇಲೆ ಗುರುವಾರ ಮಳೆ ಸುರಿಸಿತು. ಪಶ್ಚಿಮ ಕರಾವಳಿಯಿಂದ ಬಲವಾದ ಗಾಳಿಯೊಂದಿಗೆ, ಪಶ್ಚಿಮ ಮತ್ತು ಕರಾವಳಿ ಮಹಾರಾಷ್ಟ್ರದಲ್ಲಿ ಬುಧವಾರ ಬೆಳಿಗ್ಗೆಯವರೆಗೆ ಭಾರಿ ಮಳೆ ಸುರಿಯಿತು.
ಚಂಡಮಾರುತವು ಮಹಾರಾಷ್ಟ್ರ ಕರಾವಳಿಯ ಪೂರ್ವ ಮಧ್ಯ ಅರೇಬಿಯನ್ ಸಮುದ್ರದಲ್ಲಿ ವಾಯುವ್ಯ ದಿಕ್ಕಿಗೆ ಚಲಿಸುವ ನಿರೀಕ್ಷೆಯಿದೆ ಮತ್ತು ಶನಿವಾರದ ವೇಳೆಗೆ ಉತ್ತರ ಮಹಾರಾಷ್ಟ್ರ-ದಕ್ಷಿಣ ಗುಜರಾತ್ ಕರಾವಳಿಯ ಸಮೀಪ ತೀವ್ರಗೊಳ್ಳುವ ಸಾಧ್ಯತೆಯಿದೆ ಎಂದು ಭಾರತೀಯ ಹವಾಮಾನ ಇಲಾಖೆ (ಐಎಂಡಿ) ತಿಳಿಸಿದೆ.
ಭಾರತೀಯ ಹವಾಮಾನ ಇಲಾಖೆಯು ಕೊಂಕಣ ಕರಾವಳಿ, ಪುಣೆ, ಮುಂಬೈ, ಥಾಣೆ ಮತ್ತು ವಿದರ್ಭ ಮತ್ತು ಮರಾಠವಾಡದ ಕೆಲವು ಭಾಗಗಳಿಗೆ ಶುಕ್ರವಾರ ಹಳದಿ ಕೋಡ್ ಎಚ್ಚರಿಕೆ ನೀಡಿದೆ ಮತ್ತು ಮುಂದಕ್ಕೆ ಮಧ್ಯಮ ಮಳೆ ಮುಂದುವರಿಯುತ್ತದೆ ಎಂದು ಹೇಳಿದೆ.
ಬಂಗಾಳಕೊಲ್ಲಿಯಲ್ಲಿ ಈ ಚಂಡಮಾರುತ ಏಳುವ ಮುನ್ನ, ಮರಾಠವಾqದಲ್ಲಿ ಮಧ್ಯಮ ಪ್ರಮಾಣದ ಮಳೆ ಸುರಿದಿತ್ತು. ಆದಾಗ್ಯೂ, ಅಕ್ಟೋಬರ್ ೧೨ ರಿಂದ ಅಕ್ಟೋಬರ್ ೧೫ ರ ಬೆಳಗ್ಗೆ, ನಾಂದೇಡ್, ಲಾತೂರ್ ಬೀಡ್, ಪರಭಾನಿ ಮತ್ತು ಉಸ್ಮಾನಾಬಾದ್ ಜಿಲ್ಲೆಗಳಲ್ಲಿ ಮಧ್ಯಮದಿಂದ ಭಾರೀ ಮಳೆಯಾಗಿದ್ದು, ಕೊಯ್ಲು ಮಾಡಲು ಸಿದ್ಧವಾಗಿದ್ದ ಸೋಯಾಬೀನ್ ಮತ್ತು ಹತ್ತಿಯ ಬೆಳೆಗಳನ್ನು ಸಂಪೂರ್ಣವಾಗಿ ಹಾನಿಗೊಳಿಸಿತು. ಅಂದಾಜು ೫೦ ಲಕ್ಷ ಹೆಕ್ಟೇರ್ ಪ್ರದೇಶದಲ್ಲಿ ಬೆಳೆ ಹಾನಿಯಾಗಿದೆ ಎಂದು ರಾಜ್ಯವು ಅಂದಾಜು ಮಾಡಿದೆ.
ಈ ಪ್ರದೇಶದಲ್ಲಿ ತಲಾ ೪೦ ಲಕ್ಷ ಹೆಕ್ಟೇರ್ ಪ್ರದೇಶದಲ್ಲಿ ಸೋಯಾಬೀನ್ ಮತ್ತು ಹತ್ತಿಯನ್ನು ಬೆಳೆಸಲಾಗುತ್ತದೆ.
ಪ್ರಭಾನಿಯ ಮಿರ್ಖೆಲ್ ಗ್ರಾಮದಲ್ಲಿ, ಒಂಬತ್ತು ಎಕರೆ ಪ್ರದೇಶದಲ್ಲಿ ಸಾಗುವಳಿ ಮಾಡಿದ ಸೋಯಾಬೀನ್ ಬೆಳೆ ನಾಶವಾದ ಪರಿಣಾಮವಾಗಿ ರವಿ ಗಾಯಕವಾಡ್ ಭಾರಿ ನಷ್ಟಕ್ಕೆ ಗುರಿಯಾಗಿದ್ದಾರೆ ಗಾಯಕ್ವಾಡ್ ಒಂಬತ್ತು ಎಕರೆ ಪ್ರದೇಶದಲ್ಲಿ ಎರಡು ಎಕರೆ ಪ್ರದೇಶದಲ್ಲಿ ಕೊಯ್ಲು ಪ್ರಾರಂಭಿಸಿದ್ದರು. ಆ ಬೆಳೆ ಕೂಡ ಮಳೆಗೆ ಕೊಚ್ಚಿ ಹೋಯಿತು.
’ಮಳೆಯಿಂದಾಗಿ ಸಮಯಕ್ಕೆ ಬೆಳೆಗಳನ್ನು ಕೊಯ್ಲು ಮಾಡುವುದು ಕಷ್ಟಕರವಾಯಿತು. ಸೋಯಾಬೀನ್ ಹತ್ತಿಗಿಂತ ಹೆಚ್ಚು ನೀರಿಗೆ ಹೆಚ್ಚು ಸ್ಥಿತಿಸ್ಥಾಪಕತ್ವವನ್ನು ಹೊಂದಿದೆ, ಆದರೆ ಕಳೆದ ವಾರದಲ್ಲಿ ಮಳೆಯ ತೀವ್ರತೆಯು ಹೆಚ್ಚಾಗಿದೆ ಮತ್ತು ನನ್ನ ಹೆಚ್ಚಿನ ಬೆಳೆ ಸಂಪೂರ್ಣವಾಗಿ ಹಾನಿಯಾಗಿದೆ’ ಎಂದು ಅವರು ಹೇಳಿದರು.
ಸೋಯಾಬೀನ್ ಬೆಳೆಗೆ ಪ್ರಸ್ತುತ ಪ್ರತಿ ಕ್ವಿಂಟಲ್ಗೆ ೪,೦೦೦ ರೂ. ಬೆಲೆ ಇದೆ.
ಗಾಯಕ್ ವಾಡ್ ಹಾಗೂ ಅವರಂತಹ ಹಲವಾರು ರೈತರಿಗೆ ಈಗಿನ ಏಕೈಕ ಸಾಂತ್ವನವೆಂದರೆ ಅವರು ತಮ್ಮ ಭೂಮಿಯಲ್ಲಿ ಬೆಳೆಸಿರುವ ಸಣ್ಣ ಪ್ರಮಾಣದ ಅರಿಶಿನ ಬೆಳೆ. ಇದು ಮಳೆಯಿಂದಾಗಿ ಪ್ರಯೋಜನ ಪಡೆಯುತ್ತದೆ.
